انا رأيي مختلف بخصوص هدفها من المكالمة بنص الطريق
انتم تقولون تحطه امام الامر الواقع
اولا هي شرت خاطره ولا راحت رغم ان زوجها مسافر قبل مايكون الحادث
ثانيا لما تطمنت على اخوها رجعت لبيتها لخاطر زوجها..

لو بمكانها بروح مو علشان احطه امام الامر الواقع لاني مااتوقع ولا 1%انه ممكن يتعنت اذا عرف دافع السفر وانه حصل حادث..
شخصيا صارلي موقف مشابه زيارة لاهلي وقالوا بنطلع لمكان انا اعرف زوجي مايحب اروح له بنفس الوقت صعبة اجلس بالبيت لحالي اتصلت ببلغه يمر مارد اضطريت اروح وبعد مااتصل وبلغته باللي صار قال معذورة والمرة الثانية لو مارديت اطلعي ولاتجلسين بالبيت لحالك..
بتقول ع الاقل اتصلتي
فيه فرق بيني وبين زوجتك انه اهلي طالعين تمشي وزوجتك حدث طارىء..

أخي الكريم الحياة ليست منتصر ومهزوم ومغلوب وغالب
انت وزوجتك شيء واحد مستحيل تبنى سعادة طرف على حساب الطرف الثاني
تأكد وثق تماما كلما اسعدت زوجتك وكنت لين معها بيرجع هذا عليك وعلى اطفالك وكل ماكنت قاسي وتمشي ع الملي بتشتت بيتك وتصير حياتك جافة اخذ حقوق واعطاء واجبات..

لا تعتذر من زوجتك
بس اجلس معها وكأنك ماشفت الشنط
قلها تعالي نتفاهم بدون رفع صوت وبدون تشنج
اسمعني واسمعك
انا ابي 1و2و3 وكان ودي بس لو اتصلتي قبل اكيد بتفهم وضعك..
واسمع منها

وتعوذ بالله من الشيطان اعظم مايحب التفرقة بين الزوجين