مشكورين ماقصرتوا .. بالنسبه لطريقة زعلي اووول مره استخدمها معاه والله وبالغصب قدرت امنع نفسي وكان ودي انطلق عليه بأي لحظه بس ماقدرت لان من ولدت وهو يسوي هالحركه فيني و اسامحه وكأن شي ماصار .. ولما اقوله انا اروقك ماكنت اقصد بالعلاقه فقط .. وانا دايم مزوحه و دايم اضحك و ابتسامتي ماتفارقني بكل وقت .. وحنونه عليه وكل اللي قلتوه اسويه من اول ماتزوجنا يعني ادلعه اهتم فيه ومثل ماقال اخوي العب بشعره واذا تعبان مايهدا لي بال اهتم حيل و ما انسى علاجه واذا يبي يروح للدوام اجهز له كل اغراضه واذا جا يلقى الغدا جاهز وما اطلبه مشاوير الا بالشهر مره .. معناه حسب ردودكم اني ماني مقصره معاه الحمدلله .. وانا الحمدلله ماني متعلقه فيه بشكل مرضي مثل ماذكرت الاخت يعني عادي اذا لاسمح الله صار طلاق اتزوج غيره ماراح احبس نفسي مع ان راح ازعل كثيررر بس الايام تساعد على النسيان .. انا بس لان احبببه مابي اخسره ومافيها شي اذا خفت اني مقصره مع زوجي و اني ابي املي عينه هذا مو مرض بالعكس هذا سنع وبحافظ على بيتي عشان ماينهدم على راسي.. وانا اخاف لان اخوانه كلهم معددين على 2 و 3 وهو لما سئلته اول زواجنا ان غريبه اخوانك كلهم معددين قال كل واحد له اسبابه و شرحهم لي.. تركتوووا الاسئله اللي وجهتها و ركزتوا على موضوع التعدد و خوفي !! افهموا موضوعي والطلب اللي ابيه منكم .. يعني يمكن الاخ الوحيد هو الوحيد اللي فهم علي وجاوب بشغلات بسيطه يحبها الرجل واستفدت من تعليقه كثير