مثل وسامتك ما شفت!
السلام عليكم...
يوم الخميس كنت اكلم زوجي بمكالمة ڤيديو
وكانت جنبي بنته الكبيرة ..
تقول له موقف صار معاها بالمدرسة إن فيه وحدة تقول لها
با حظچ فلان ابوچ...
قمنا نمزح مع بعض
قلت له : الحمدلله ما قالت لها يا حظچ هذا الوسيم ابوچ
قال لي : انتي ليش محترة خل تقول..
قلت له : من حقها تقول .. اذا شفنا شيء جميل نقول عنه جميل ليش لا...
بس أحد قال لك من قبل إن شكلك جداً رجولي ووسيم .. وفيك جاذبية....
طبعاً فرح .. واستانس ..وآنه طبيعتي چذي امدح اي شيء حلو فيه و مع اي شخص الاقي فيه شيء حلو احب اقول له اياه .. بطبيعة الحال اي شخص حلو يدري بنفسه حلو .. يعني الشيء مو فيز و ريض
لكن المدح والثناء يعززون ثقة الشخص بنفسه ولها مردود ايجابي على صعيد العلاقة
بين المادح والممدوح لاسيما اذا مدحنا الشخص بصفات فعليا موجودة فيه وليست مختلقة
لكن بعد هالموقف ظليت افكر .. وحبيت تشاركوني التفكير لاسيما من قبل اخواني الرجال ياليت يفيدونا ....
شنو شعورك لمن شريكة حياتك تركز على الاشياء الحلوة وايجابياتك وتمتدحها ؟
وما مدى تأثير الأمر على علاقتك فيها ومشاعرك اتجاهها ؟
وعلى المدى البعيد هل ممكن يكون لهذا المدح الأثر السلبي ؟
وصديقاتي البنات .. هل تخرصون على مدح ازواجكم ؟ أو هالجانب من ضمن الأمور المهملة ؟
شنو التأثير السلبي او الايجابي اللي لاحظتوه ؟
وإذا ممكن تقولون لنا مواقف اثرت فيكم بخصوص هالموضوع....
__________________
حاجة الناس إليكم من نعم الله عليكم ، فـ لا تملوا النِعم ☁✨
17-12-2016, 01:53 PM
ضوابط المشاركة
العرض الشجري