اخي الكريم بالنسبة للمهر بنظري ما لازم يتناقش فيه كمبلغ سواء كان لبنت او لثيب
لانو اللي بدو يعز المرأة رح يعزها ببيته بعد الزواج
واللي بدو يبخل عليها بيبخل ببيته ولو اعطاها مهر 100 الف
والعادات مرات بتتغلب على قناعتنا
عنا بأي زواج في مقدم ومؤخر
والمقدم اهل الزوج بحددوه والمؤخر كمان واذا الاهل اشترطوا بتصير مشاكل او بالاغلب ما عاد بتم الخطبة
وفي اللي منهم من نفسها بتطلب بدها مقدم مصحف ومؤخر حجة
وفي اللي بيقدم مال
انا اهل زوجي اعطوني 8 الاف عالريال غير الذهب وكتبوا مؤخر 140 الف ريال
وفي اللي اكثر وفي الاقل
بس المؤخر مش ليمنع الزوج من الطلاق بل لحفظ حق المراة اذا كان الرجل لعوب وبدو يطلق على مزاجه ويظلمها هون في متل تعويض لظلمها
متل وقت المرأة بتطلب الطلاق والزوج ما بده وبيعتبر ظلم وبيصير بده ياها تخلعه كرمال ترجعله المهر
يعني وحدة بوحدة
والا عنا كتير نساء مؤخرها عالي وبيكون زوجها سيء الخلق بتطلي الطلاق وبتتنازل عن كل شي وحتى الذهب بتعطيه ياهن المهم تخلص من زوجها


اما بالنسبة للعمر فبعرف نساء كتير محافظات على اجسادهم واناقتهم
ولا ببين عليهم العمر ابدا
وانا مع انو الرجل ما يوقف عند العمر مهما كان الفرق لانو بعرف حالات كتير وكانت زواجات ناجحة بالرغم من الفارق الكبير بين المرأة والرجل
والرجل بيكون بيعرفها على طبيعتها من دون اي مساحيق تجميل
يعني بياخدها عن اعجاب وقناعة تامة ولو كانت اكبر بكتير
كرمال هيك اخي الكريم اذا شفتها على طبيعتها وكانت عاجبتك ما بشوف انو المؤخر مشكلة ولا ذنبها اذا ابوها حط هالشروط
وبالنسبة لعمرها وقت خبرتك انهم خبروك اني 37 يعني عندها علم انهم قالولك عن عمرها 37
وحسب كلامك انك قلت مبين عليها بالعشرينات فصار في فرق كبير بين العشرينات ومنتصف الاربعينات وهالشي ببين واضح

اما اذا شفتها وحاطة مساحيق تجميل ولو الوان طبيعية فهون المفروض برأيي من حقك تطلب من اي امرأة تتقدم لها تكون على طبيعتها
لاني للصراحة كإمرأة ولاني ما بحط شي على وجهي الا بالنادر جدا بس شوف البشرة وشكل الوجه من عيون وانف لنساء قبل الميك اب وبعده بنصدم لانو اللي بكون عمرها 55 بتبين بنت 28
وحتى ملامح الوجه بتتغير مع انك بتقول مكياجها خفيف وكأنها طبيعية لان الالوان اقرب للطبيعة
وصار حالة طلاق بسبب هالشي في رجل اتزوج من امرأة اعجب فيها وكان دايما يشوفها متزينة
بعد الزواج انصدم بانسانة تانية
وأدى هالشي للطلاق

كرمال هيك اخي الكريم الزواج مش لعبة ولا يوم ويومين
يا بتقدم على زواج من انسانة مقتنع فيها مية بالمية وما بتقدر تخسرها ولو بتكلفك كنوز الدنيا

يا عد للألف قبل الاقدام على اي خطوة

ولا تكره شيئا لعله خير لكم

اسأل الله ان يرزقك الزوجة الصالحة التي تقر عينك

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه