السلام عليكم ورحمة الله
اخواني اخواتي
هذا الموضوع بيشيبني 😔
لي اكثر من ثلاث سنوات وهالسالفه تاكل قلبي كل يوم 💔
انا مخطوبه لـ ولد خالي
اولا وبشكل مبسط اعطيكم بداية المشكله
هذا ولد خالي كان يحب بنت خالي قبل خمس سنوات
هو ماتقدم لها بشكل رسمي لكن كل العيله تعرف بالموضوع هذا
احنا عاداتنا حجاب كاااامل محتشم حتى نقاب مانلبس .. لازم غطا كامل
فماكان يعرف شكلها الا من خلال وصف اخواته له
الزبده
خطبها ولد خال ثاني غير اللي يحبها وهي وافقت عليه وتركت اللي يحبها !!
سالفتها ببساطه انتهت بزواجها من ولد خالي الثاني وهي الحين ما شاء الله عندها ولد منه ..
المشكله تجي هنا
انه بعد ما تزوجت بنت خالي
خطبني ولد خالي اللي كان يحبها !!!!!!
انا طبعا تضايقت حيل لاني اعرف قد ايش كان يحبها وتخيلوا كنت من اللي يساعدهم في توثيق علاقتهم بحكم انها جدا قريبه مني ..
انا انسانه جدا غيووووووره .. لو يخطبني دكتور او ممرض مستحيل اقبل فيه لان في دوامه يقابل بنات كثير
فـ كيف اني اقبل بهذا اللي كان يحب !
و فوق كذا هو مبتعث !!!!!
واتفه شي .. بأن شكله مايعجبني .. مو سالفة جمال بس ! حتى اهتمامه بنفسه تقريبا 30% ..
انا طبعا طبعا رفضت .. بس اللي عقّد الموضوع هم امي و ابوي .. كيف ؟
لانهم ما قالوا لي عن هالسالفه الا بعد 8 شهور من خطوبتي !!
يعني هم اعطوا ولد خالي الموافقه واخفوا هالموضوع عني لمدة 8 شهور بحكم اني اكيد راح اوافق ؟؟؟!!!!!!!!!
ولهالسبب ماقدرت بعد هذي المده اني ارفض خصوصا انه من اهلي فـ رفضي بيترتب عليه مشاكل لها اول ما لها اخر ..
( وافقت .. رغما عني وافقت )
والله من يوم قالوا لي الخبر وانا بس اصيييييييح ومخنووووقققه وكرهت نفسي وكرهته زياده وكرهت اهلي واهله وكل شخص له علاقه بالموضوع حتى بنت خالي اللي كان يحبها تمنيت انها وافقت عليه وفكتني منه
كل ما اصلي اصييييح على سجادتي ومن يجي وقت النوم ادخل في دوامة بكاء مالها اخر !!
انا بجد بجد مو متخيله نفسي اصير زوجته
حتى لما طلب مني نظره شرعيه رفضت باصرار .. اصلا كانوا كل ما قالوا شي اقول لا حتى لو كان اختيارهم صح .. انا بس غايتي اعاند واكرههم فيني ..
والنظره خليتها بس بـ وجه بحجاب .. و صوره مو عالحقيقه
والله يا عالم كنت اصيييييح من قلب يوم اني بصور له الصوره
مضت الايام بالطول والعرض
والرجال رغم بُعده الا انه يتودد لي كثير بالهدايا والرسايل كانت توصلهم لي اخته منه
حاولت اتعايش مع الوضع واسلّم امري لله وقضاءه وقدره
لكن بس اشوف صورته تجيني ضيييييقه واكتئاب لدرجة البكاء
اللي صار
انه تم تحديد وقت الملكه ( عقد القران ) بعد شهر بالضبط من هذا اليوم
ورجعت لي ضيقتي وبكائي وكككككلللل شي صار لي من بدأ هالموضوع



الحل ؟؟؟؟ 😢😢💔


تم تغيير العنوان ليتناسب مع المضمون


مستجدات الرد 55

http://www.66n.com/forums/showpost.p...2&postcount=55