السلام عليكم ورحمة الله وبركاته ..

ايش الحل مع الزوج المهمل ؟؟
يعني مادري هل كل الرجال كذا ؟؟ يجي من الدوام الملابس يرميها ع الارض ..اذا خرج برا ورجع الملابس تترمي على الارض ..
يفتح الدولاب عشان يدور ملابس يقوم يرميها على الارض كللها الين يلقى الي يعجبه ..؟؟

ايس الحل مع الزوج الي كذا ؟؟
لو تشوفو البيت كلو ملابس ع الارض كأني بمحل ملابس ..
الصاله وغرفة النوم و الحمام وغرفة الملابس كل شيييي هدا كلو عشان يطلع ملابس. حتى المدخل وصلته الملابس هههه مدري ضحك ولا ابكي . في الاخير ارجع اشيلها ما ادري ايش الي يحتاج غسيل وايش النظيف والي كان في الدولاب راح يحتاج كوي من جديد وااااا صراحه شي مرا متعب وينررررررفز .. واتعب ارجع اكويها كللللها من جديد سرت ارجع اعلقها مكرمشه قلت عشان يعرف انه بسببه ويقول ليش مو مكويه
ولما يجي ولده ويبغى يغيرله يرمي ملابسه في الارض ويجلس يطلعله من الدولاب كل الملابس عشان يختار .. احترت لازم العاده ذي تتغير مرا تعبت البيت كلو ملابس .. ومو حابه بعدين اولادي ياخذو العاده ذي من ابوهم راح اختفي بين الملابس ...

بقولكم الحلول الي جربتها .. والي عنده حل يقولي ..
كلمته بالموضوع وقلتله ترا صفه جدا سيئه ماحأقدر اتحملها لأخر العمر وانت كذا .. قالي راح تعجزي وتتعبي وماحتتغير ذي الصفه لازم تتأقلمي انا كدا وما اقدر اتغير ..
قلتله لا تقدر لو قلت بنفسك بتغير ذي الصفه بتغيرها ..

في سله للملابس حط ملابسك فيها .. وعندا غرفة ملابس ع الاقل ارمي اللابس فيها ليش تخرج الملابس وتوصل للصاله والمدخل وغرفة النوم

الحل الثاني سرنا لما بنخرج اقوله انا بطلعلك ملابس على ذوقي عشان اتجنب انه يرمي الملابس .. يقول طيب ولما اطلعله ويلبس يقول لا مو حلو ويرميها ع الارض ويجلس ساعه قدام الدولاب وبعد مايرمي كل الملابس يختار ويمشي ..

وولده حاولت انا اطلعله والبسه الولد يرفض يحب ابوه يلبسه ويختارله اذا ابوه موجود ..

امس خلاص تضايقت مرررا لما شفت الملابس كلها مرميه ع الارض ومافيا ارجع اكويها كلها من جديد وازعل واتضايق بعدين اهدأ واقول ما ابغى اسوي مشكله معاه عشان ملابس وننكد على بعض ..




ابغى حلوووووول بلييز قبل ارمي الملابس كلها واخليله واحد بس

__________________
لاتسعى لتصحيح ظن احد بك ££ خالقك ينظر لقلبك وهذا يكفيك