السلام عليكم ورحمة الله وبركاته
عمري الحين 29
متوظفة
يتيمة أبوي متوفي وانا صغيره
عمر زوجي اصغر مني بسنه
شخصيتي انسانه اجتماعيه /قياديه
شخصية زوجي غير عكس انطوائي /شخص غير قيادي بس يملك قلب كبير ..
القصه تبدأ هنا :
تزوجت وعمري 25 بعد زواجي بست شهور كان فيه إلحاح من قبل أهل زوجي للحمل والصراحة انا بعد كنت أبغى احمل من اول شهر اعشق الأطفال بشكل جنوني المهم رحت انا وزوجي وسوينا تحاليل طلعت النتيجه ان زوجي عنده ضعف وقله بالحيوانات المنويه عدد الحيوانات 2مليون المهم زوجي قال لاهله بس أمه وابوه ماصدقوا وكانوا يحسبون ان زوجي يخبي عنهم وان العيب مني اصر ابو زوجي انه يروح للمستشفى معنا ويتأكد من الكلام المهم بعد كذا سويت ثلاث عمليات حقن مجهري وكلهم فشلوا الصراحه غير التعب الجسدي التعب النفسي مدمر ...
أعيش في أسره ماشاءالله منتجه خلال 4سنوات تزايد عدد الأحفاد الى 10 من 4اخوان وأخوات زوجي ..
هذا الشي يتعبني كثير يعني ماشاء الله اطفالهم وراء بعض ...
بعض الأحيان ماابغى اروح اجتماعتهم انا انسانه غيوره اتعب ولا أبغى اروح لأَنِّي اذا وجعت اجلس أصيح عند زوجي عشان موضوع الأطفال وكان هذا الشي متعب لي ..
السنه هاذي قرارات الانفصال عن زوجي تعبت .. المهم قلت لزوجي وقال لي روحي عند اهلك أسبوع وشوفي اذا تقدرين خلاص نتطلق المهم جلست عندي اهلي 4 ايام الصراحة اشتقت له كثير ودقيت عليه وقلت خلاص ماابغى انفصل ابرجع لك المشكلة أني انصدمت من الرد قال لي انا مولعبه عندك ولا أبغاك وسكر السماعه بوجهي الصراحة انا انصدمت ولا رجعت أكلمه والحين لي 3 شهور لا هو طلق ولا هو رجعني ..
أبغى اسالكم هل أكلمه وأقول له طلقني ؟؟؟
او ارجع اوااصبر مع ان أمي تقول لاتدقين عليهالرجل اذا كان يحب زوجتة والله مايحمتل يبعد عنها كل هذي الفترة هو مايبغاك وجالس يضبط وضعه ؟؟
اسفه اذا كان كلامي غير مرتب حاولت اعطيكم الزبده 😜

تم تعديل العنوان ليتناسب مع المضمون