السلام عليكم ورحمة الله وبركاته ..
أسعد الله أوقاتكم بكل خير

الموضوع باين من عنوانه
سلمكم الله أنا موظف والحمد لله أموري تمام وراتبي كويس ، استلم 7500
عملي بمدينة الرياض ولكن أنا من خارج الرياض . معاي سيارة جديدة مهديني إياها الوالد الله يطول بعمره والحمد لله ماعندي أي قروض راتبي ينزل كامل الحمد لله

الزبدة : لي فترة وانا افكر إني ادور لي بنت الحلال اللي تكمل نصف ديني وتسعدن
لكن اللي مشغل بالي ومقلقن هو المصاريف واحس ان راتبي مو مكفيني لو تزوجت

الوالد سبق وناقشته بالموضوع وقال لك من عندي 100 الف للمهر وكل التكاليف الباقية
فرضاً قلنا المهر 50 الف بيبقى 50 الف مأدري أشتري بها اثاث ولا هدايا للعروس وأهلها ولا تكاليف شهر العسل من سفر وهدايا ولا إيجار للشقة ( حالياً ساكن بشقه عبارة عن غرفة وحدة ومطبخ ودورة مياة بحكم إني عزوبي وإيجارها 12000 سنوي )

خلونا من التكاليف اللي تدفع مرة وحدة .. أنا كل همي وقلقي بهالراتب يكفيننا ولو جانا طفل مثلاً بعد سنه سنتين بتزود المصاريف


اللي يمر على الموضوع أبوس راسه يرد علي ويعطين رأيه .. لكن أبغى كلام واقعي ماأبي كلام عاطفي وإذا جاء الصدق توهقت


وربي يرزق كل عزوبي الزوجة اللي تسعد حياته ..