كيف اقابل خطيبي ‍‍‍‍!! { للبناااات فقط } - منتدى عالم الأسرة والمجتمع

11-08-2003, 11:18 AM

Emoo

كبار شخصيات المنتدى

تاريخ التسجيل: Jul 2003

المشاركات: 653

كيف اقابل خطيبي ‍‍‍‍!! { للبناااات فقط }

بسم الله الرحمن الرحيم

هذا موضوع لكل بنت تبي تعرف كيف راح تقابل خطيبها..لأن الكثير لا يعرف اهم الأساسيات..

أنا راح اكتب الموضوع لكن ابي منكم تعذروني لأني راح استخدم العامية في كلامي.. حتى اني اقدر اوصل المعلومة..

<<<< تصرف نفسها

وغير كذا حتى اني اخاف ابداء بالنحوي كلمتين والباقي الله يخلف علية

المهم يا بنات هذة كم نقطة احب اني اوضحها لك عشان تعرفي كيف تستقبلي خطيبك ..واللى يشوف اني اخطيت في شي عادي يكتب رأيه .. حتى لو كان رأيك معارض نرحب به

>>> كلام دبلوماسي ماعندها لعب

المهم اخواني واخواتي انا اسلوبي شوي عادي عشان نكسر من الجدية في الكلام وخلونا نرجع حق محور حديثنا

..

أهم الطرق............

1ـ لما تقابليه اول مقابلة خلي وجهك مبتسم يعني زي ما يقولوا ارسمي الابتسامه على وجهك.. والسبب عشان الرجال يحس براحه لك ولا يرجع في كلامه,لا تنسي تسوي نفسك تبي تطير من الفرحه عشان شوفتية
2ـ اكيد يكون جايب هدية معاه بس لا تتوقعوا كلهم عشان لا تنصدمي المهم لو جابلك هدية , لا تاخذيها كأنك قرفانه ولا كأنك طفشانه من الهداية اللى تجيكي ليل ونهار لا.. خذي الهدية منه وبيني له انك فرحانه بأنه افتكرك وافتحيها قدامه واذا كانت شي يتلبس مثل ساعه خاتم البسيها قدامه لأنك لو لبستيها يدل على انها عجبتك حتى لو كان عطر اتعطري قدامه .. صديقيني هو راح تلاقية لاصق في سقف الغرفة من الفرحه مو مصدق جاب شي وعجبك وكذا راح يضمن ان ذوقة حلو..ولازم تعرفي ان الرجال مو متعود انه يجيب لك هدية ترضي ذوقك لانه مو متعود يجيب هداية للبنات يعني لا تنصدمي لو جبلك هدية جزمة

عادي اتقبليها لانه مو متعود
3ـاذا اتلكم اسمعي له في هذا الفتره اي فتره الخطوبة يكون الرجال شاعر يعني تنامي وتصحي وهو جالس يقول شعر تاكلي وتشربي هو جالس يقول شعر يعني يغلب خالد المريخي .. وخالد الفيصل و...وغيرهم واتوقعي انه يمكن يصير مغني انتي كل اللى عليكي تسمعي له لا اقل ولا اكثر عشان بعد الزواج لا تقولي ما يتغزل فيني

4ـ اذا حصل سوء تفاهم يعني لازم يصير والسبب لانك انتي من بيئة وهو من بيئه يعني كأنك انتي من الولايات المتحدة اليونانية وهو من امريكا الاتينية 0

يعني لابد من المعارضات بس انتي حاولي تتغاضي شوي
5ـ حاولي انك تفهميه اللى تبية عشان ترسي على بر بعد الزواج

6ـ اكيد الرجال يحب يفرض شخصيته عليك يعني يسوي نفسة رجال وانتي حاولي تحسسية بهذا الشي وحذااااااااري انك تجرحيه وخاصة في روجلته لان هذا اخطر شي انك تقولي للرجال انت مو رجال والله العظيم لو سمع منك هذا الشي تلاقي نفسك كفته مقمرة

وساعتها لا تقولي ليت اللى جرى ماكان

7ـ اذا جاء يمزح معاكي اتوقعي انك راح ينكسر شي فيكي

لأنه مو متعود يمزح مع النوع الناعم متعود يمزح مع اصحابه الشباب فأنتي اتحملي شوي وفهميه بطريقة حلوة انك ما تحبي المزح الدبش

8ـ حذاااااري إنك تتكلمي على اهله .. لان اغلب البنات من يوم ما يتخطبوا كأنهم يخططوا للحملة الصلبية العشرطعش .

عزيزتي احترمي اهله عشان هو يحترم اهلك ولا تجيبي سيرتهم الا بكل خير
9ـ نجي للأشياء الجامدة الثقيله شوية

عزيزتي اكيد وبكل تأكيد لا نشك في هذا الشي وهو خجل البنت بس يا أختي مو معناتها مرة لا حس ولا خبر ولا نفس ولا اي شي حاولي انك تتجرأي شوية

10ـ لحظة خليكم معاي

<<<<<< هاتجيبلكم اخر نقطة من تحت الأرض

اهم شي اختي الغالية لا تسمعي لهذا وذاك ويعني لا تجلسي تحكي خلق الله وتحكي زميلاتك وكل ما واحد قلك لا تسوي كذا سوي كذا تقومي انتي طيران
وتسوي مثل ما قالولك لا اختي مو كل البشر زي بعضها خلي كل شي بينك وبينه لاشك انك تحتاجي لخبرات اشخاص موثوق بيهم لكن مو اي شخص

اتمنى اني اكون ساعدت كل وحدة مخطوبة وارجوا من اللى يقرأ يشوف شي ناقص يكتبة وأنتم فيكم الخير والبركة

تقبلوا تحياتي
إيمووووووو
ـ

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه