ازاي ارجع إحساسنا زي الاول
السلام عليكم ورحمة الله وبركاته
لثقتي في ارائكم الحكيمة طالبة مساعدتكم وافكاركم لان زوجي قالي كلام جرحني اوي من غير قصد وانا بصراحة جوايا نفس الكلام في قعدة صفا وقاعدين بنتكلم عن حبنا قالي انا نفسي اوي احس معاكي بالأحاسيس اللي كنت بحس بيها في اول خطوبتنا وحبنا وجوازنا قالي انا دلوقتي بحبك اكتر بكتير والعلاقة بيننا أكبر وأعمق من الاول وبقينا واحد بس مفتقد إحساس اللهفة ولمسة الايد بحب والنظرة بحب ولهفة عليكي وضمك لحضني بأحساس مختلف ومش عارف احس بده ازاي بس متفهمنيش غلط قلتله انا فاهماك كويس بس هي دي الدنيا عمرنا ما هنحس بده تاني لاننا اتعودنا علي بعض وملكنا بعض ومخبيش عليكم انا فترات كنت بعاني من إفتقاد الاحساس ده وعايزة ارائكم وافكاركم ازاي ارجع الاحساس ده بيننا ايه اللي ممكن اعمله مهما كان يخلينا نعيش لو لحظات من الاحساس ده متبخلوش عليا بأي افكار حتي ولو شايفينها صغيرة ممكن انا ابقي مش واخدة بالي منها وممكن تفيدني وتفيد غيري