بسم الله الرحمن الرحيم
ابغا ابدا قصتي بدون مقدمات
انا شاب عمري 17 - 18 سعودي
حبيت استشيركم في موضوعي وياليت تتفاعلو معي

بداية قصتي انو لي بنت عمه اصغر مني ب 3 سنوات البنت ابوها طلق امها وبعد فترة مات والله يرحمه
المهم البنت تطلقت امها وهي عمرها 3 سنوات
ومن يوم ما تطلقت عمتي جات عندنا في نفس العمارة في شقت جدتي الله يعطيها الصحة والعافية
المهم كنت يوميا انزل شقة جدتي واجلس معها ذيك الايام عمري يمكن 6-7 سنين وكنت اشوف بنت عمتي دايما
واحيان احتك معاها بس كنت انظرلها نضرة اخت فقط والله اني كنت احبها زي اختي لا اقل ولا اكثر وكنت اخاف عليها وكنت مرتبط معهم زي اخوها وكانت امهم ما تذاكرلهم وكنت احفضهم القران واذاكرلهم هي واختها التوام المهم
م علينا من اختها
بعد فترة يوم وصل عمرها 10 سنوات بدت تلبس طرحه اذا شافتني على راسها بس
وبعدها بسنتين تقريبا ابوي كلم عمتي وقلها لازم بناتك يغطون من عيالنا
طبعا انصدمت وعصبت وكلمت امي انها تحاول في ابوي انه يخليهم يكشفون علينا بحكم اني دايم انزل بيت جدتي ارفس الباب وادخل بدون. ما اطلب احد يشوفلي طريق
ابوي قلي لا هذولا ايتام وفي ذمتي ما يجوز تقابلونهم
طيب البنات بعد ما صارو يغطون عني معد بيني بينهم ميانة زي اول وسرت اسحي منهم وهم نفس الشي
ويوم صار عمري 17 دخلت على امي كانت جالسة معا ابوي لحالهم وجلست معهم فجئة من دون اي مبرر امي قالتلي محسن ابي اخطبلك بنت عمتك
طبعا انا انصدمت واستغربت لاني كنت احبها محبة اختي بالضبط
قلت لامي مستحيل اتزوجها قالتلي ليش قلت انا احسها اختي مو بنت عمتي
المهم بعدها بفترة اختي الكبيرة لمحتلي ان البنت تحبني او معجبة فيني واختي ما تدري بالموضوع الي بيني وبين امي
وبعدها حسيت انه عادي لو خطبتها
يعني تغيرت نظرتي لها شوي اقصد انها ممكن تكون زوجتي
المهم كلمت اختي الكبيرة قلت وش رايك بفلانه
ضحكت اول شي بعدين مسكت الضحكة
وقالتلي انها ماشالله مؤدبة ومحترمة وشخصيتها تناسب شخصيتك وسكرنا الموضوع
بعدين جيت اسالها عن البنت مرة ثانية
قالتلي انت لسا صغير وما ينفع تختار شريكة حياتك وانت بهذا السن
لازم تكون ناضج اكثر ومن ذا الكلام
ومرت الأيام
بعدها جت اختي الصغيرة قالتلي امي وابوي يبغونك
رحت لهم قالولي وش رايك ي محسن ببنت عمتك

صراحة انا فرحت وودي اتشقق من الفرح بس حاولت امسك نفسي قدامهم لان اختي الكبيرة قالت لي اذا امي وابوي حاولو فيك قلهم اقرر لمااكبر مو الحين
قلت يمه ما تصلحلي وانا لسا صغير على الزواج

وانا ما ودي اقول هذا الكلام

ولا ودي اقلهم موافق لان اختي خوفتني من ذا الموضوع شوي
وصارت امي تقولي البنت جميلة ومؤدبة ولا احب يبان شي من جسمها وقالت لي ترا بعد شوي انزل اكلم عمتك وجدتك
قالت انا مستعجلة لان البنت في كم حرمة حاطة عينها عليها لولدها
وقالتلي فلانة تبغاها لولدها فلان وفلانة تبيها لخوها فلان
المهم شوي دخلت اختي الكبيرة وقالت لامي وابوي
م ينفع الولد يقرر وهو صغير الولد نضرته بتتغير
وهي نضرتها تتغير اذا كبرت


لاني اذا خطبتها
بيكون الزواج بعد 3-4 سنين
وامي تقول البنت بنتنا واحنا اولى فيها
واختي تقول يخطبها لما يكبر



وانا والله العالم اني في حيرة
ارجووكم قولولي وين الراي الصحيح
امي وابوي )(ولا اختي
ارجوكم تفاعلو