ردك هذا يااخ كناري
لازم اعلقه واقراه يوميا
من كثر ماهو مفيد واثر فيني
انا مااحب الكبر ولا المتكبرين
والحمدلله يشهد لي طالباتي والناس بالتواضع
لكن هذا القروب استنزفني نفسيا
وخربط افكاري
واظهر جانب من شخصيتي كنت لا اتمنى ان يظهر
صرت عصبيه وقابله للاستفزاز
للاسف انفجرت فاتق شر الحليم اذا غضب
انا مخطئه ايضا رفع الكلفه والميانه الزايده كانت من اكبر الاخطاء الي ارتكبتها
ويوجد لرق بين المزح الزائد و التواضع والشخصيه المرحه
الي ايضا لامسني من كلامك مدى الفائده
من امس افكر
وش نوعيه المشاركات
بين نكت بعضها قليل ادب
الى هاشتاقات تويتر و النعليق عليها
فقره حش
اخبار
احيانا فيه فائده واخبار من عملهم والتعليق عليها
واحيانا اذا احد سال عن شيء جاوبوه
لكن 80 % مثل ماقلت لك مزح ماله داعي
القروب هذا خذا وقتي وضيعه
صرت للاسف انسانه تافهه ومستوى الحوار قل عندي
انا استاذه طلبتي يقتدون فيني
ان ماامتلكت مقومات المعلم المثقف القاريء الملم
وش فايدتي وش الانطباع الي بعطيهم و الفائده والتاثير الي بزرعه
مو غرور لكن وضعي مختلف
محتاجه اقرى اتنور اتحاور مع ناس يرتقون فيني فكريا
لكن اقضي وقتي اقط على فلانه واطقطق على علانه
ونزور فلانه ونوجب علانه
برجع اقرى ردك اكثر من مره
والحمدلله قررت اكمل قراءه في تخصصي وغيره
واركز على ابحاثي
واحفظ قران وببدى التسجيل ان شاءالله