السلام عليكم،،اخواني واخواتي حبيت اكتب مشكلتي لعلي اجد حلا لها،انا متزوجه زواج تقليدي لي 3سنوات ،في بداية زواجي قلت لزوجي اني مابيه ومغصوبه عليه كانت نفسيتي تعبانه بقوه لاني اكتشف انه ماهو مناسب لي ،،طبعا اهلي مايعترفون في الشوفه الشرعيه يعني ماشفته الا ليلة زواجي ،المهم كلم اخته وقال بطلقها تزوجت وحده ماتبيني ،اقنعته اخته انه مايطلقني،،المهم مر الشهر الاول في مشاكل ماكنت احبه ،،وكلم اخوي عن الي صار من مشاكل بينا ، قال اصبر عليها ومن هالكلام ،،المهم مع مرور الايام تعودت عليه وصرت احتاج له لكن المشاكل كل مالها تزيد يعني لو تجي عزيمه عند اهله وماروح لها على طول يهددني بالطلاق ،واخاف واروح لاني مابي اتطلق امي توفت وانا صغيره وابوي توفى قبل شهرين ،،وشخصيتي مع اخواني انطوائيه اكبر غلطه سويتها في حياتي اني كنت منعزله في سن المراهقه ،،المهم زوجي في اتفه الاسباب يهددني في الطلاق ومايصرف علي الا 5 ميه في الشهر ،بعد زواجي ب5 شهور كان زواج اخوه قلت له بروح معك لان كان عندي اجازه من الجامعه وهو يداوم في مدينه ثانيه قال ماعندي فلوس قلت له انت مسلف اختك 5الاف كيف ماعندك المهم عصب علي ووداني بيتنا وكان بيطلق بس رحت اكلمه واترجاه وجا رجعني طبعا ماحد درا وبعدها زعل من سبب تافه عشان كنت في محل اشري فستان لزواج اخوي قلت له ادفع فلوس الفستان صرافتي مافيها شي المهم عصب ويقول ليش تستغفليني ليش ماقلتي انك تبين فلوس قبل نروح سبب تافه لكنه عصب وسوا لي حضر من جواله ودقيت عليه لين شال الحضر ورحت اكلمه ابكي مانسى كيف اهنت نفسي عشان يرضى حضرته بالذات انه زواج اخوي كان بعد كم يوم كان موقف صعب تخيلو يقول لي انه كان بيكلم اخوي ويقوله انه بيطلقني المهم كان عند اهله استراحه عشان اخته جايه وقلت ماراح اروح لان زواج اخوي بعدها وماعندي لبس عصب وهاوش ورفع صوته وكان بيطلق وقال عشانك ماتحبين اختي ماتبين تروحين المهم اعتذرت ورحت وكذا مره يسبب لي مشكله بسبة اهله بعد ماجبت وطلعت من الاربعين قلت له بروح اشتري لمك خاتم هديه كان مزفت ومعصب علي عشان سالته عن شي قال ايه قلت لامي عنه قالت شاطر علمتها!!طبعا اضحك معه قام عصب علي وقال هي خربانه خربانه ويعاملني بشوفة نفس المهم نزلت وشريت لمه خاتم ومابين في عينه هذا الشي وبعد ماجبت ولدي مايخليني اخذه معي للسوق ياخذه بالغصب يوديه لمه وانا انزل ، ويغصبني اروح لهم دايم ويخليني احيانا من المغرب الي الفجر عادي عنده هو في الاستراحه ،،تخيلو اجلس معهم وانا ساكته اولا لان شخصيتي انطوائيه وثانيا لانه يقهرني وهذا الي يكره لي فيهم ،،الكلام يطول وهذي مجرد فضفضه والمشكله امي وابوي متوفين واذا تطلقت بتبهذل مع حريم اخواني ابي استقر بحياتي ،،صار عندي عقده من بيت اهله،،متعلق فيهم يمكن يطلقني عشانهم لو اجيب طاريهم لازم تصير مشكله واخرها البارح ارسل لي بنروح لاهلي بنات اخوه يبغون يشوفون ولدي مع انهم شايفينه قبل كم يوم قلت الطريق بعيد لاني عند اخوي ،قال تعالي معي لمهم قلت لا نزله عندهم ونزلني في السوق قال خلي السوق وقت ثاني انا ابغاه يجلس معهم وقت طويل قلت عادي نزلني باخذساعتين وانت روح بالولد لمهم قال ليش ماتسيرين عليهم قلت مالي نفس اسير ولا ني راعية سوالف ،قال كذا يعني! لايجي المغرب الا والولد مجهز والسوق بكره وطبعا ماارديت عليه،،اخوه الكبير مرفه زوجته مره لدرجة انه يتسلف من زوجي دايم ومن اخوانه عشان مصاريف بيته،،وهو عنده عقده يخاف اسوي فيه زي زوجة اخوه دايم يكسر كلامي ومايحب ارفه نفسي ويبيني دايم ملازمه امه ودايم اسمع امه اتكلم عن حرمة اخوه وانها ماتخلي معه ريال مع انها تحبها بس مخه متروس من هالكلام ،،اللزبده ابي حل صرت مكتئبه اكره صوته ساعه طيب وفي دقيقه يعصب ،ماناقصني رجال يقهرني ابي اخذ حقوقي زي الحريم بس المشكله لو الخطا منه يحط الغلط فيني والله العظيم احيان اعتذر منه وانا مدري وش السبب الي مزعله اغلب وقته ساكت ومطنشني ابي حل 💔