30-06-2016, 07:42 PM
|
المشاركة الأصلية كتبت بواسطة ضيعتني آلعاطفة
من 15 سنة تقدم لي شخص سألنا عنه و كان كل شي تمام
اتفقنا على يوم يجي الخطيب للبيت و نحدد وقت الملكة والزواج والمهر والترتيبات قبلها بيوم واحد اتصل ولد عم الخطيب وأصرّ إنه يقابل أبوي "ولد عمه هو اللي حضر معاه الخطبة لأن أبو الخاطب متوفي وماعنده أخوان" المهم الرجال أعترف لأبوي إن الخاطب فيه وفيه وقاله لو إنه ماحلف لي إنه تاب كان ماجيت خطبت له لكن إكتشفت إنه مستمر بالغلط وأنا أبري ذمتي أمام الله والقرار راجع لكم إن بغيتوه ولا لأ طبعاً صارت للرجال مشاكل لأنه قال الصدق وأهل الولد ماأنكروا كلام ولد عمه وكانوا عارفين بلاوي ولدهم بس يحاولون يغطون حسبي الله ونعم الوكيل هذاك الإنسان كل ماتذكرته دعيت له إن الله يسخر له الطيبين من خلقه غامر بعلاقته بأهله و ولد عمه عشان ماياخذ ذنبي أنا الغريبة اللي مايعرفني الله يوفقه وين ماكان ويسعده ويستر عليه < مدري حي ولا ميت ؛ وناس يقربون لي محارمي وااااخ من هالشي شتاااان بينهم وبين الغريب اللي مارضى لي الظلم تزوجت طليقي عن طريقهم أذكر أبوي يقول يافلان تعرف هالرجال زين؟ قال نعم وماجاك في وجهي والرجال أنا أضمنه والنعم فيه عشرة سنيييين طويلة مو معرفة يوم ولايومين ومو بس جاري إلا بينا علاقة عمل غلطتنا وثقنا فيهم كيف مانثق وهم أقارب وعلاقتنا فيهم كويسة وبالذات قريبتي هذي دايم كانت تقول إنتي أحب خواتك لي وماتسميني إلا بنتها من بعد اللي صار وكذبها علي صارت علاقتي فيها رسمية مع إنها تحاول تحتك معي عارفه غلطها وحاسه بالذنب لكن أنا مو معطيتها وجه لما صار اللي صار و واجهناهم بفعايل طليقي قالوا علاقتنا فيه كانت سطحية ومانعرفه ذيك المعرفة وحاولوا يطلعون نفسهم من الموضوع كللل شي بعد طلاقي يأكد إنهم كانوا عارفين لكن توقعوا إني بسكت وأكمل وأظن لهم مصلحة معه وأنا كنت الثمن حسسسبي الله ونعم الوكيل عشان كذا لو أخوي اللي هو أخوي وعرفت عنه شي غلط وجاء يخطب بيوم بقول للي بيخطبها كل شي حتى لو أخسر أهلي ولا أشيل ذنب إنسانة بكرة تدعي علي بالليل والنهار وين عاد وقتها أتوفق إن رضت فيه ببلاويه كيفها تصطفل لكن أغشها لا والله اللي صار لي ماأتمناه يصير لأحد لا وفلان ولا علان بينفعوني إن صابتني دعوة مظلوم وقلبت حياتي فوق تحت ولا أبي أكون سبب في إن شخص حياته ونفسيته ومستقبله يتدمرون ، أنا قبل رمضان كملت ثلاث سنين على طلاقي وداخله بالرابعة من كنت بالعدة ينعرضون علي خطاب وآخرهم من 4 شهور وأرفض الأغلب أقارب لصديقات أو معارف بس أنا صارت عندي "أزمة ثقة" إذا أقرب الناس غشوني بهالشكل وهم من الأهل المفروض يفكرون بتبعات كذبهم كيف أثق باللي ماتجمعني فيهم علاقة دم وبرضوه في حاجه بنبّه عليها أوقات الناس يكونون فعلاً شايفين هالشخص كويس لكن داخل بيته يكون مختلف وصارت مع وحدة تقرب لي الأفضل تركزين على الشخص نفسه فتّحي عيونك وقت الشوفة الحياء مو نافعك وإسألي وإنتبهي لردات فعله وأهلك لازم يجلسون معه أكثر من مره أو يواعدونه برا البيت ولابد إذا هو شخص عنده مشكلة يبيّن بحركاته أو كلامه والله المستعان < كني بربرت واجد! |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري