السلام عليكم و رحمة الله

ما اعرف كيف أبدأ بس انا جيتكم هنا علشان تنصحوني و تحلون لي مشكلتي و إن شاء الله أستفيد منكم

مشكلتي إني أنا متزوجة من رجل طيب و حنون و يحبني و أحبه الحمدلله و قبل ما تقولون إنه عصبي إذا قلت لكم القصة لا أبدا زوجي مو عصبي و هو دايما يقول أنا ما اعصب إلا مرتين في السنة و لا أذكر شفته معصب او غضبان لكن عندي أخ صغير مراهق في المتوسطة تقدرو تقولو ما عنده مسؤولية و دلوع و أبوي ما يرد له طلب
أخوي متعود كل شي يوصل له و يسب و يشتم بدون إحترام يسبنا حنا يالاخوات الكبار و يقل أدبه على أبوي و أمي لكن هو آخر العنقود و دلوعهم اللي ما يزعلونه أبد

زوجي دايم يشتكي من أخوي و يقول إنه لا يمكن يطلع رجال و إن أهلك دلعوه و إنتي ربوكي نعم التربية و يلمح إن أهلي دلعوا أخوي محمد بعد ما تيسرت حالنا و صار يصرف آلاف الريالات في الشهر على ألعابه و على البلايستيشن و كل شهر بجوال جديد أما انا و أخواتي تربينا وقت الشدة على كلامه
و أحيانا ينتقد أخوي إن ما عنده أصدقاء حقيقيين و طول يومه يلعب


المهم اللي صار إن في يوم زوجي كان يتعشى عند أهلي و محمد شتمني و رفع صوته علي قام زوجي قال محمد يا شيخ الرجال المقدار لعمي صوتك لا ترفعه على أختك و أبوي وجهه تغير وقتها و أول يوم برمضان جاء زوجي يأخذني من بيت أهلي لقاني أشيل أغراض مع الشغاله و محمد جالس و انا ما شفت زوجي قلت يا محمد هذا ثقيل ساعدني شتمني و ----شاف الموقف زوجي قام ضرب أخوي كف و صار يشوته برجله حتى إنكسر سن أخوي الضعيف و إنصرع بالأرض انا خفت و ما تكلمت بس بالبيت زعلت عليه و المشكلة الأكبر إن ابوي درى و زعلان من زوجي و من يومين زوجي يتصل يعتذر منه و أبوي ما يرد عليه و أنا بعد زعلانه عليه حزني منظر أخوي يبكي
الضرب كان مبرح

الله يسعدكم إنصحوني



تم تعديل العنوان ليتناسب مع المضمون