عزيزتي واضح انك مستنزفة عالآخر اطفال صغار بعمر قريب لبعض وحمل وطفل رضيع
هالشي رح يأثر على تصرفاتك
وخاصة عندك تلات اولاد صغار يعني كل طاقتك مستهلة
والفتاة بحاجة لحنان وصبر واحتواء وبعتقد مع تلات اطفال صغار شوي صعبة
فالحل استقدام ممرضة تهتم فيها او عاملة منزلية تكون مسؤولة عن البيت وانت بتهتمي بالطفلة وبالاولاد
استخدمي اسلوب تقدري تقنعي زوجك باستقدام عاملة لمصلحة البنت واتجنبي تزرعي افكار براسه انك كارهة البنت او مش متقبلتيها
وحاسة فيكي وقت يكون الشخص مضغوط وانا عندي تلات اولاد واعيين وبيعتمدوا على انفسهن وبالرغم من هيدا
مستحيل فكر او اتخايل نفسي ارجع جيب ولد او ربي من اول وجديد

لانو طاقتي لهون وبس وبعرف حالي
فكيف اذا طفل او طفلة بسن المراهقة وبحاجة لرعاية فأكيد لازم يكون الشخص من النوع الصبور وعنده طولة بال وحب لهالشي ليقدر يعطي من قلبه من دون ضغط على اعصابه او عيش دور مش شايف حاله فيه

وبالنسبة للطفلة رجاءا وقت تروقي اجلسي احكي معها وانو ما كان قصدك وانها متل بنتك والام وقت الغضب بتحكي كلام مش طالع من قلبها
واعطيها مثال عن موقف صار معك وعصبتي من اولادك لتشوف انو معاملتك للجميع نفس الشي وما تحس بالفرق والمقارنة
وجبيلها هدية وقدميلها ياها
رح تترك اثر حلو بنفسها

وبالنسبة لطليقة زوجك خليها تعمل اللي بدها ياه
وكل انسان اعماله ونواياه بتنعكس عليه
ومجرد ما تعودي تلتفتي ولا تهتمي لافعالها رح ترتاحي وهي اللي رح تنقهر مش انت ان كان هدفها تنغصلك حياتك

وحطي براسك انو ممكن تسمعي اشياء من البنت بسبب امها مش بسببها واعذريها واعتبري نفسك ما سمعتي شي ولا تلتفتي لاي كلمة
اسمعي من هون وارمي من هون

زبطي امورك اول شي مع زوجك لتنحل الامور التانية
لانو اذا التراكمات بقيت بداخلك رح توصلي لمرحلة الانفجار
والعواقب رح تكون كبيرة الله اعلم
فحاولي عزيزتي على قد استطاعتك تغيري شي بحياتكن للافضل

اسأل الله ان يبدل حالك الى افضل حال ويرزقك السعادة وراحة البال دنيا وآخرة


احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه