رد: زوجي يرفض مسامحتي بعد اعتذاري له
انا جلست شهر كامل اراضيه وهو يتصدد
بعدها سحبت عليه سحبه قووويه
هانت علي نفسي
صرت مو طايقه اناظر وجهه
اكلمه وانا صاده.. للضروريات بسسس
جاني هو اليوم يقول عازمكم عالغداء
قلت اوكي
وجلس يتودد ويقرب
صديته بهدوء ورفضت العلاقه الخاصة
هو تنرفز وترك الغرفه
وانا جلست اكمل ترتيب اغراضي
بعد شوي دخل وقال: ترى طلبت غداء!
قلت اوكي
يعني كنسل الطلعه
المهم تغدينا بالبيت بدون اي كلام
بعدها شكرته عالاكل
وقلت له علاقتي معك اسمى من اني اكون وعاء تفريغ شهوه
هو هنا قال: اموت واعرف ايش قلبك اخر كم يوم!
قلت له: مليت وتعبت وانا اتودد وما القى الا جفاء
قلبي تعب من كثر التلطيش
شهر كامل صاد عني ومايكلمني ورافض يسامحني
قال: لو ولدك او اخوك قال لك زوجتي قالت لي انت مو رجال والله يلعن اليوم اللي تزوجتك فيه.. بايش تنصحيه؟
قلت انصحه يزعل ويأدب كم يوم او اسبوع
مو شهر!
خصوصا اني بذلت كل جهدي وبكيت عند رجولك
خلاص هانت علي نفسي
شفتك عايفني وقفلت قلبي وقررت احشم نفسي
قال انتي لو مكاني ماراح تلوميني
وهنا دخلت بنتي الله يهديها.. وسكتنا
انا وهو مانتناقش بحضور الاطفال
هذي مستجداتي للي سأل
ونصيحة للمتزوجين:
ترى طول الزعل يولد الجفاء
اساسا عيب اثنين ينامون جنب بعض ومايكملون بعض اكثر من 3 ايام
الله يعين
04-06-2016, 03:23 PM
ضوابط المشاركة
العرض الشجري