زوجي يريد الزواج لاني لا أتقن الطبخ حلت رد52
السلام عليكم ..
اشكركم على هذا الموقع و الذي يهتم بالعلاقات الزوجيه و حل المشاكل ..
بقولكم مشكلتي وبفضفض لكم وبطول عليكم اعذروني ...
مشكلتي هي اني ببيت اهلي مثل أي بنت مدلله عند امها .. كانت امي كثير تصر علي ان ادخل معها المطبخ بس كنت ارفض بحجة الدراسة وبحجة العمل .. وكانت امي دايما تقول لي بكره هالدلع يطلع عليك ويجيك من يخليك تطبخين غصب .. المهم عند اهلي ماني شاطرة الا بالحلويات والمعجنات يعني اسويهم بنفس وبمزاج عااالي ولأن ماحد يضغط علي .. لما تمت ملكتي و اثناء المكالمات بيني وبين زوجي دار الحديث والتعارف الى ان وصل سؤاله وش تعرفين تطبخين ؟ قلت مالي في الطبخ وخاصة الاكلات الكبيره اخاف منها ومايضبط معي شي الا الحلويات والمعجنات شاطرة فيهم و اعرف اسوي بشاميل واعرف انواع المعكرونه اضبطها بكذا طريقه .. وعلمته كل شي بالتفصيل قال عادي مو مشكله و اصلا انا مايهمني هالموضوع وبتتعلمين مع الوقت .. المهم بعد زواجي اول شهر كنت عروس وبس اسوي فطور .. وثاني شهر بديت اسوي اللي اعرفهم فطاير كيك حلى و اتفنن فيهم وهو اجاد بشغلي واعجبه كثير والاكله الرئيسية اسوي معكرونه و شوربه و مقالي و اكلات خفيفه .. ومع هذا كنت احاول اتعلم الكبسه بس مره تطلع باهته مره مالحه مره زيت مره ناشفه بس قال لي الى متى ماتعرفين تطبخين وانا ما اعيش على المعجنات وعلى كبسه كل يوم شكل انا ماني فار تجارب والخ قلت هذا انا احاول وابذل جهدي .. وكان مرات يورطني وانا اطبخ يقول ترى عازم اخواني ضبطيه لاتفشليني و احاول اضبطه يطلع مقبول ماشي حاله ومرات يقول ابي انزل الغدا تحت عند اهلي ضبطيه و اتقنه قد ما اقدر وكنت اسئله عجبهم يقول ايه وحتى ابوي مدح ولخ حسبته يبالغ سئلت خواته قالوا ايه والله طبخك يجنن وماتوقعناك تعرفين .. كذا صار عندي دافع معنوي كبير و حب للطبخ بعد ماكرهني باللي كنت احب اسويهم .. بس كانت المفاجئه ان كرهت المطبخ و صرت اتعب من ادخله واكره بيتي بعد الطبخ و استفرغ .. طلعت حامل وكان وحامي ببيتي حتى لو يجيب اكل من برا مقدر اكل الا عند اهلي .. هو صبر علي شهرين و رجع يضغط علي ويقول وحام خلص .. رجعت احاول اطبخ مقدر بس ابي اخلص مقدر اتقن شي هو يكون بالدوام والله اني من المطبخ للحمام استفرغ و اجي دايخخخه و رجولي بالغصب واقفه و اكمل الطبخ ولما يجي يجلس يسب طبخي وانتي وانتي وانتي .. لما وصلت الشهر الرابع بالحمل الحمدلله اختفى الوحام ورجعت اطبخ بس رجعت مثل اول مابديت كل شي مايضبط معي تعبت احاول وبالغصب صرت اضبط الرز شوي ويطلع مقبووووول و اقل من عادي بس ينبلع يعني مو سيء .. و فجأه بيوم من الايام طلب مني برياني ! طيب خلني اتقن هذا بالأول وبعدين اطلب شغلات اكبر .. قلت ماعرف قال عندك نت تلقين الطريقه طبقيها .. لقيت طريقه مع ان هالطريقه صعبه بس هي اسهل طريقه لقيتها لان فيه طرق صعبه .. وانا امشي عالخطوات كلمني وانا تقريبا مخلصه الربع الاول وكان باقي نص ساعه ويخلص .. كلمني قال زيدي الرز لأن بعزم احد .. طيب كيف ازيده وهو يطبخ كيف ازيده والمكونات حطيتها حسب اللي بالنت .. ماحبيت ارفض لان مره رفضت ازيد وتفشلت عزم اخوانه وانا مسويه حق شخصين ويومها جا يلوم علي بعد قلت له مادري انك تعزم .. المهم نرجع لموضوعنا .. لما زدته انخبص الرز و طلع باهت وطلع ماااينبلع و جا وجلس يسب ويجرحني بكلامه وانا والله مو ناقصني عندي مشاكل حملي وتعبي يكفيني ومع هذا مو حاس فيني .. جلست ابكي لحد ماصدع راسي وهو يجرح ويجرح ويجرح وماخلى كلمه الا قالها وبعدها بساعات كشخت وجيت عنده لان ماحب الليله تعدي وهو زعلان حاولت اتقرب منه بس رفض وطول الليل احاول معه و هو راسه يابس تركته براحته ونام مع ان ماحبه ينام زعلان و اعرف نفسي اضل ابكي .. ضليت كل الليل ابكي لين الصبح جهزت فطوره واغراضه وملابسه للدوام وطلع بدون مانتكلم ورجع من الدوام ونام و صحى وطلع ومارجع الا بالليل متأخر .. حاولت اتكلم معه و اعتذر له وافهمه ان هالشي غصب عني وان الحمل متعبني و ان احاول ماقصر معه بس هالشي مو بيدي .. المهم ضليت ساعتين وثلاث وانا احاول وابكي .. قال اذا ماتعلمتي والله اتزوج عليك واجيب وحده تعرف تطبخ .. انا هنا انفجررررررررررررررت بالبكااا كأن مات لي احد .. هالفتره غلط انه يهددني بهالشي غلط انه مايراعي شعوري وانا حامل توني نهاية الرابع وعندي مشاكل تهددني بالاجهاض وعندي هرمونات توترني وعندي صداع وغثيان و الم ظهر وحيلي منهد .. المفروض يراعيني المفروض يهتم فيني ويقدر محاولاتي عشانه .. وش الحل كيف اطبخ وانا بهالحاله وكيف الاكل يضبط معي وكيف اصير شاطره بالطبخ .. لان والله احبه ومابي اخسره لان لو تزوج علي راح اتطلق ما اتحمل وحده تشاركني فيه .. وانا احاول اتعلم قبل يهددني يعني حاسه ع نفسي من اول لان احبه .. ابي حل انصحوني
تم تعديل العنوان ليتناسب مع المضمون
[SIZE="3"][/SIZEحلت الرد 52
http://www.66n.com/forums/showpost.p...8&postcount=52
التعديل الأخير تم بواسطة شوق اللقاء ; 07-05-2016 الساعة 02:21 AM
04-05-2016, 08:46 AM
ضوابط المشاركة
العرض الشجري