السلام عليكم ورحمة الله وبركاته

انا مغتربه مع زوجي دحينا ليا سنتين .. انا الصراحه ماني اجتماعية كتير وما احب احكي الناس كتير عن حياتي .. ومن صغري يعني ما يكون ليا حس كتير لما اجلس مع الناس .. المهم دحينا لما اتزوجت واغتربت اتوقعت الناس اللي كانو قريبين مني حيسالو عني وكدا .. بس والله حتى القريبين نسوني ودا الشي مره مزعلني وكل ما افتكر اتنكد .. الحمدللله فالغربه بنتجمع مع البنات وكدا وبننبسط .. بس مقهوره انو سار محد مهتم فيا من اقاربي و صحباتي الا قليل منهم .. الواحد اذا اغترب خلاص كدا الناس ينسو .. احس شايله عليهم كلهم بس ما ابغى اعاتب احد .. انا الصراحه مقصره مع كتير بس برضو يعذروني انا فغربه ..