اؤيد وبقوة وهالشي بيزيد من قوامته ورجولته ومش العكس

وحتى ما بتقتصر عالزوج فقط اي فرد من افراد العائلة يساهم سواء كان اخ او ابن او زوج

زوجي بيساعدني واخواني بيساعدوا ماما وصهري بيساعد اختي واخي بيساعد زوجته وفي رجال كتير بتساعد
وفي العكس اللي بيشوف هالشي عيب
فشو المشكلة اذا شخص ساعد زوجته
هيدي شريكة حياته في السراء والضراء وام اولاده مش مجرد انسانة عايشة معه

اولادي الكل بيساعد وحسب استطاعته ومقدرته وعمره

حلوة روح التعاون في البيت

بتحس الكل ايد وحدة
ما حلو الاتكالية على شخص واحد

وحلو الزوج يعرف كل شي والاولاد نفس الشي
لمصلحتهن اقل شي اذا صار شي للزوجة او تعبت بيقدروا يخدموا انفسهن

اخي من فترة اجا هو وصديقه لعندي زيارة اقل من اسبوعين بشوي فكان بعد الاكل يشيل السفرة هو وزوجي وصديقه
او يساعدوا مع الاولاد بتحضيرها
وحتى كان يجلي كبايات الشاي والابريق اذا كنت بعدني ما جاليتهن ويحضر الشاي ويقدمه
ولو طلبت منو يقعد ما كان يرضى

فهالشي بيخليني شوف اخي و زوجي انهم السند لي وانو ما في اتكالية عالمرأة بكل شي

لانو بالفعل اذا كانت الزوجة بدها تشوف الاولاد وتابع واجباتهن المدرسية وتنظيف البيت وتحضير تلات وجبات طعام باليوم وتنضيف من بعد الوجبات
فالشغل بالبيت ما الو وقت محدد وبينتهي وبالاخر بدها تشوف طلبات زوجها فبعتقد رح توصل لمرحلة ما عاد عندها طاقة
وخاصة اذا كان في طفل صغير بالبيت بدو عناية واهتمام ومجهود كبير


فكل ما كانت المرأة مرتاحة كل ما ريحت اسرتها واعطتهن من وقتها


احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه