بسم الله الرحمن الرحمن الرحيم

السلام عليكم ورحمة الله وبركاته

انا في ضيق وهم لايعلم فيها الا الله وحده سبحانه وماخاب من استشار توجهت لكم بعد الله وبعد ان اتعبني التفكير والهم ارجو منكم مساعدتي وتقديم المشورة لي فانا والله الذي لا اله الا هو في امس الحاجة واني لم اجد من استشيره ولا قدرت اقرر مصير حياتي لوحدي احترت ان اشتري راحتي او ارضى بالواقع واستمر مع زوجي !!
ماادري صراحة من وين ابدا وكيف ابدا ولكن بخاطري كلام كثيرر وحبيت استشيركم فيه ،،
انا فتاة متزوجة من 3 شهور تقريبا وبطبيعة الحال حالي كأي فتاة كنت استحي من زوجي جدا ولم اخذ ع طبعه
ولاحظت عليه تصرفات غريبة بعض الشئ ولم اتقبله ابدا بدات اكرهه واكره سواليفه صوته ينرفزني واتوتر جدا معه لدرجة انني مااقدر اسولف معه تصرفاته كرهتني فيه ،، انا ماراح اظلمه وهو طيب لكن انصدمت انه رجل اقتصادي حريص على الفلوس شهر العسل ماحسيت ابدا معه براحة طول الوقت بكي كنت اتمنى يكون شهر عسل مميز لكن للاسف انه ماحقق لي امنيتي ،كان يبحث ع ارخص الشقق والاماكن واذا دخلت سوبر ماركت او اي مكان دائما يقول لي لاتبذرين ولاتصرفين والشئ اللي اخذه كان احيانا يرجعه ولا يفكر ان خاطري فيه ،، الهدايا ماعمري شفت منه هديه حتى في ايام الملكة حصلت لي اكثر من مناسبة وماكان يهدي لي ( مناسبة عيد ومناسبه نجاحي ) الملكة كانت 6 شهور مازارني الا مرتين مره في العيد ومااحضر لي هديه ومشيت الموضوع وقلت يمكن هو من النوع اللي مايحب الهدايا ومايقدرها وزيارة ثانيه له وكانت قبل الزواج بيوم لاخذ الاغراض ومااكان له نيه ابدا يزورني لولا الاغراض ،،
بعد الزواج لاحظت انه شخص غير مهتم بمظهره ملابسه قديمه جدا وكانت بدلتين فقط وثوب وطول شهر العسل يبدل فيهم !! وماكان يسعدني ويريحني طول شهر العسل ماوداني مطاعم زي الناس ولا منتزهات ولا اماكن ترفيه طول الوقت بالسيارة او الشقه واذا كلف على نفسه البحر يوم او يومين فقط !! انتهى شهر العسل ورجعنا انصدمت ان المنزل قديم جدا اثاثه وتصميمه ومجرد مادخلته احسست بضيقة وكرهت زوجي جدا لان كلامه بالملكة كان جدا مختلف عن الصورة اللي رسمها لي ايام الملكة !! الاثاث غير متناسق والمنزل قديم والمطبخ قديم جدا والاواني مستعملة وقديمه ووالمشكلة انه كان يقول لاهلي البيت جديد ونظيف والمطبخ مأثث من والى وكل شئ جديد !!
غرفة النوم قديمة جدا ( طبعا هو كان مطلق بعد 4 شهور من زواجة الاول ) يعني كل شئ واضح انه من زواجه القديم ،،
ولا اخفيكم عن تصرفاته كان يضغط علي في ترتيب وتنظيف البيت من اول اسبوع بعد شهر العسل ؟!! كان يسبني ويتهمني ان اهلي ماربوني وماعلموني ومن اول اسبوع عمل عزيمة في البيت وعمل لي مشكلة كبيرة لدرجة انني كرهته وماعاد اقدر اتحمله ،، صبرت وتحملت تصرفاته وكلامه وبخله علي شهر ونص ولكن ماعاد اتحمله جهزت اغراضي ورحت لبيت اهلي بعد مشكلة كبيرة بيني وبينه واعتذر مني وحلف لي انه مايقدر يستغني عني ولكن فقدت الثقه فيه ماعاد اقدر اتحمله كل كلامه ووعوده كذاب ، يتهمني بالنفاق وان والله يشهد علي ماعمري جرحته في اي شئ ، اللي حصل قبل اروح بيت اهلي اتفقنا على الطلاق بعد مصارحتي له انني ماعاد ارتاح معه واني كرهته من تصرفاته ومن تشكيكه لي في شغل البيت ومن ضغطه علي في كل شئ ومن تقصيره معي في امور كثيرة ،، واعترف لي انه انسان عنده وسواس نظافه وكان اعترافه هذا ثاني اعتراف لي من بعد الزواج ،، كان وقت النوم يكتمني بيده لدرجة انني احس اني مخنوقه ومره كنا نتمشى كان يناظرني فجأة قال ( توقعي في اي لحظة اذبحك ؟ ) ودائما اغلب سواليفه عن القتل والاحداث المخيفه احسست انني مو بامان معه صرت اخاف منه لدرجة كبيرة ، اما بالنسبه لتصرفاته في وقت العلاقة الخاصه فهو عنيف واناني اوقات قبل العلاقه يشد شعري او يعضني وتحصل بعدها كدمات في رقبتي ووجهي و يؤلمني لدرجة انني ابكي بين يديه واوقات يضربني من الخلف بقوة ويؤلمني ( عذرا ع الشفافية وبعض الالفلاظ ولكن اريد منكم ان تحكموو وتساعدوني في تقديم المشورة لي وتعتبروني اختكم ) ،. ايضا كان يطلب الجماع من الخلف وكنت امنعه لكن ماادري وش اللي في نيته ماابي اظلمه هل هو يقصد الجماع المحرم ام لا ؟؟ اصبحت ابتعد عنه واتهرب منه اذا طلب حقه الشرعي وخوفني منه واتعبني نفسيا ،، طفح الكيل اخذت اغراضي ورحت بيت اهلي وانا الان عندهم لي شهرين تقريبا !! كلمنا شيخ وجا للبيت وقرا علي وطلعت مسحوره وسالني الشيخ عن زوجي وتصرفاته معي وقال بأنه احتمال كبير يكون هو مسحور كذلك ،، بعد فترة جا هو ووالده وقابلت والده واخبرته بكل شئ وعن تصرفاته وكلامه ووعدني والده بان يعالجه عند الشيخ او طبيب نفسي !! واليوم كلمنا والده بانهم يريدون المجئ عشان يرجعوني وانا محتارة في امري استخرت كثيرا هل ارجع له او اتركه يطلق !! ارجوكم دلوني فوالله العظيم انني محتارة جدا ومتضايقة وماعرفت اتصرف واقرر ارشدوني ،، هل هو شخص يستحق اني اضحي براحتي واستمر معه او ماذا افعل كل تصرفاته تجبرني ان اختار الطلاق ولما اتذكر حبه لي وخوفه علي وانه كان يدور راحتي وكنت حتى اذا بكيت لا يتركني حتى ارتاح او يبكي معي !! وهو حلف لابوي انه شاريني ويحبني ولكن ماعدت اثق فيه لان اللي يحب مستعد يقدم كل شئ من اجل حبيبته مو يستخسر فيها اشياء بسيطة حتى الهدايا !!
لا اريد ان اظلمه ولا اريد ان اظلم نفسي !!
وهل ممكن تكون تصرفاته بسبب السحر ؟؟ السحر اللي عمل لي هو من احد اقاربي وهو منذ زمن بعيد ،، يعني ماكان بيني وبين زوجي !! علما انه كان يراني بشكل غريب وكم مره صارحني بهذا الامر وانا كذلك كنت اراه باشكال غريبة لم اعتاد عليها !! وكان يصدر اصوات مخيفه ،، وعندما سالت الشيخ قال احتمال كبير انه مسحور وقد يكون من طليقته لانعلم ولانحكم عليه ،،
هل ارجع له واشترط عليه مصروف شهري خاص لي بحكم انه رجل اقتصادي ويحاسبني ع كل شئ اشتريه !! واشترط عليه بيت شرعي جديد ومؤثث باثاث جديد !! او ارتاح واطلب الطلاق !!
هذا موضوعي بين ايديكم متضايقة ومخنوقة من حالتي ولكم الحكم واتمنى من الله ثم منكم ان تقدمون لي المشورة كما تقدمونها لاخواتكم او لشخص عزيز عليكم انا محتارة في امري ارشدوووني جزاكم الله الجنة بلا حساب ولا سابق عذاب ،،

اعتذر على الاطالة

تم تعديل العنوان ليتناسب مع المضمون