جنا
الله يجزاك خير ولو اني متخوفه من الحجامه اول مره اسويها ما ادري متى بالضبط تكون ووين وكذا



مريم
الا كان عندي علم ان نجاحها 60 بالميه واعرف ان غالبا فعلا تزيد الفرص بعد كذا محاوله وقالي الدكتور ان دورنا فقط لين نرجع الاجنه لكن التصاقها وحدوث الحمل هذا اعجاز مانقدر نقرره ولا نحدده وهنا تتجلى قدرة الله وحده

لكن الحقن المجهري كان أملي الاخير كان ضوء بعيد اشوفه كل مافشل لي تنشيط او تلقيح واقول معليش لو ماصار يمدي اسوي حقن مجهري
وفجأه اسوي الحقن ويفشل ماصار فيه بعده شي بستند عليه صار ماقدامي الا اني اعيده واعيده ومادري يخيب ولا يصيب

ما اخفيك انكسرت انكسار غير طبيعي مع اني والله مو حساسه او ضعيفه او او لا ابدا انا واقعيه وقويه بس مدري وش صارلي خصوصا ان من بدت هالتجربه والتباشير تنهال بشكل ماتتخيلينه من الدكتور ومن المستشفى ومن الاجراءات ومن الرؤى خلاص حسيت ان هنا الفرج واني وصلت خلاص

الحمدلله على كل حال
والطقه اللي ماتكسر تقوي وان شاءالله اني أقوى وان شاءالله اني صابره وراضيه