اشعر ان خطيبي لا يراني كالأنثى التي تمناها
السلام عليكم
اتمنى منكم يا اعضاء عالم الاسرة والمجتمع تساعدوني بمشكلتي الي اتعبتني وشاغله بالي
اول شي انا بنت عمري 23 سنه مخطوبه لقريبي وعمره 28 لنا بداية مشكلتي مع خطيبي في طناشه تجاهله لوجودي بحياته ما يسال ولا يدور ابدا سااحب تقريبا لنا 5 اشهر خلال فترة خطوبتنا ما بادر الا كم مره معدوده انا اغلب من يبادر وانا البنت على اساس كان اتفاقنا نتواصل ونكون صرييحن عشان نعرف بعض في البدايه كانت امورنا تمام فجأءة صار بارد ولا يكلمني الا اذا كلمته ودايما يتحجج انتي مشغوله وعندك دراسه وانا ما ابغا اشغلك مع اني كنت اقوله اذا مشغوله بقولك لا تقلق انا حابه انك تعرفني واعرفك ويرد علي ويجاملني ابشري وحاضر ومن عيوني بعدها ممكن يتكرم ويبادر هوا بالسؤال لمره ويرجع نفس اول ويسحب والله مرات احسني نشبه وكاني انا الرجل في العلاقه وتحز بخاطري انا كل همي اتعرف عليه واعرف تفكيره نفسي اعيش هذي الفتره بسعاده زيي زي اي بنت تحس زوجها يحبها ويدور عليها ومتلهف على شوفتها لان هذا الوضع الطبيعي للعريس الجديد بس ماش واذا انا بادرت و كلمته يكلمني عادي ويسولف ما يصرفني لا بالعكس يتكلم ومرات نقعد كم ساعه بس جتني فتره قلت يمكن انا عشان دايما ابادر واكلمه فصار ما همه وقلت بثقل فتره واشوف وربي قعدت قرب الشهر ولا ساااال ولا قال وينها مختفيه ولا شي وفي النهايه انا الي بادرت ورجع يكلمني عادي ماكاني مختفيه شهر ومره في وحده من محادثاتنا كنا نتكلم عن الزواج واساسيات الزواج عموما وكيف الطرفين لازم يتعاملو وانه لازم نستفيد من تجارب الي حولنا فقالي واحنا وسط الحوار انا اصحابي قدمو الاوليه للجمال في اختيار زواجتهم وندمو ومهم مرتاحين في حياتهم ومني فاكره بالضبط باقي كلامه بس بمعنى اني تنازلت عن شرط الجمال وابغا وحده طيبه واخلاق يالله وقتها الدموع تجمعت بعيوني وتضايقت حيل جرح انوثتي كلامه حسيت فعلا اني ممكن ما اكون مثل ما يتمنى وحسيت بنقص وكلامه عورني حيييل طبعا وقلت له اذا منت مقتنع فيني وما عجبتك لسعنا على البر وكل واحد يروح بطريقه هو حس على نفسه وتدارك الموضوع وقال بس انا لقيت فيك الجمال والاخلاق وانتي عاجبتني وانا مقتنع فيكك ومن هالكلام يرقع الموضوع وبصراحه انا بديت في الفتره الاخيرة اذكر كلامه واتضايق ولي فتره ما اكلمه وهو مطنش وبديت اخاف يتم زواجنا وتكون الشغله براسه واعيش بجرح معاه ومستحيل ارضاها على نفسي يهمني ان زوجي يكون منجذب لي و يشوفني جميله انا مقتنعه انو الناس اذواق ومتاكده انو اذا ما عجبته وما كنت بالمواصفات الي يتمناها في غيرره ممكن اعجبهم واكون بمواصفاتهم مرات تجيني افكار انو مستصعب فكره الانفصال لاننا قرايب وخصوصا هو قريب جدا للوالد ويحبه وافكر ممكن هذا سبب بروده معايا لانه غير منجذب لي شكليا ياليت تفيدوني هل اطلب الانفصال منه واسفه على الاطالة
التعديل الأخير تم بواسطة كورنليا ; 04-04-2016 الساعة 11:42 PM
04-04-2016, 11:38 PM
ضوابط المشاركة
العرض الشجري