السلام عليكم جميعا

لي سنوات متزوجة وعندي ثلاث اطفال
عايشة مرتاحة لكن فيه مشكلة منكدة علي ومتعبتني نفسيا
زوجي واهله يقدسون الجمال عندهم اهم شي تكون البنت جميلة حتى لو أخلاقها زفت
شكلي عادي جدا
من بداية زواجنا وانا الاحظ كيف يقارنوني بسليفاتي لانهم مره جميلات
زوجي عنده احساس وشعور انه وسيم وانه اجمل مني
يكرر ان احيانارالواحد يكون وسيم ويتزوج وحدة اقل منه جمالا ومع الوقت يتعود عليها لان يحبها
مااخفي عليكم كيف كان الكلام يقطعني من الداخل ويتعب نفسيتي
لو نسافر من يشوف جميلات طول الوقت يتحسر
مرة جالسين في مطعم قال لي دخلوا بنات وسمعتهم يقولون الرجال اجمل من زوجته ليش تزوجها مع اني اعرف انه يكذب ومااحد قال
سنين وانا ثقتي مهزوزة والله العظيم بشكل يصعب على الكافر
ان احد ناظر فيه قال لي شفتي يشوفون اني وسيم ويقارنون بينا
مرضني وتعبني بداية زواجنا من كثر ماهو يقول المفروض الواحد يتزوج مرة ثانية وحدة جميلة
أتحاشى اشوف نفسي في المرايا وارفض العزايم والزواجات الي فيها اكبر عدد من أهله
متوازية عن الأنظار

وصلت لمرحلة ان صرت قاسية جدا جدا بعد ماحطمني نفسيا مع ان اعرف ان يحبني وأي شي اطلبه ينفذه
من ينتقد شكلي على طول اجيب طاري المادة والفلوس لان وظيفته بسيطة
من يقول الواحد المفروض يتزوج بنت جميلة
قلت اكيد معك حق بس البنت الجميلة تبي واحد غني مب واحد معتر وفقير

اخر موقف الي خلاني احس بعذاب الضمير وان كنت قاسية بشكل مبالغ
كنت اقول تروح سوبر ماركت تشتري لي أغراض
بعدها قلت بمزح مابي اروح اخاف يخطفوني
قال لي الله من زين جمالك علشان يخطفونك !!!!
يالله شقد كلامه ذبحني قسم بالله

سويت نفسي اطقطق بالجوال
ورجعنا نسولف وانا مغبونة كان وقتها فيه خبر في التلفزيون عن ممثلة عملت عملية تجميل
قال طالعة جميلة
قلت تعرف نفسي اسوي مثلها
بس لو نجحت العملية اول شي بسويه بطلب منك الطلاق
ويتزوج واحد غني بدالك يافقير يامنتف
يعزني ويعز عيالي
والله العظيم اول مرة اشوفه مكسور وحزين
قال بحزن الله كريم ويعطيني

اعرف ان كنت قاسية معه لكن بجد مليت وطفشت من تحطيمه لي ولشكلي