رحمته الله يكون في عونه ويفتح بوجهه ابواب الرزق

نص راتبه قروض ونص فواتير واغراض واكل واجار بيت

وانتي موظفة وراتبك اعلى منه وزود عليها تقولين ابي مصروف وانتي عارفه ومتأكده انه في ضائقه ماليه

ومشاكل الحمل لو ما تكفلتي بها ممكن ببساطه يوقف العلاج ويقول مابي اتعالج مامعي فلوس ؟ وقتها بيكون معاه حق وانتي تبين ذرية خلاص كملي معاه العلاج

بكرة بيجيك عيال وين بتودينهم ؟ ومن يوديك لدوامك هو ولا سواق

خفي على الرجال شوي اقلها الى ما تفرج عليه شوي وتخف الديون وهالديون من وين جاته مو علشان يتزوجك ؟ اهدي شوي الله يرضى عليك انا ما أؤيد الزوجة تساعد زوجها في المصاريف بس لاصار مديون ومزنوق بالمصاريف هذا وقتك يابنت الاصول واذا فرجت انسحبي انسحاب تكتيكي وهادئ

ملاحظة : المتعارف عليه ان الموظفة مايعطيها زوجها مصروف تتكفل بنفسها والسواق اللي يوديها ويجيبها واذا زوجها يوديها ويجيبها كثر الله خيره

اذا زوجك يوديك ويجيبك ترا اقل سواق ياخذ 700 ريال بالشهر ويودي معاك مجموعة بنات مو الحالك تخيلي طلب منك زوجك اجرة النقل ؟ مو حلوة مع انه شرعا مو ملزوم يوديك للدوام

المصاريف لاتقاس بالمسطرة وهذا انت مسؤول عنه وانا مسؤوله عن هذا

تعاونوا توكم بداية حياتكم

صرحي له انا بساعد الى ماتخلص ديونك وعقبها خلاص