السلام عليكم اخواني
لي سنين اشتكي من برود زوجي
وبأخر موضوع قررت ابادر انا
بادرت كم مره ولاحظت فرق كبير ماشاءالله
صرت احس زوجي رجع يشتاق لي
والحمدلله قلت خلافاتنا عن زمان

انا مقهوره منه لانه ضيع علينا ايام حلوه
عمره ماطلب هالشي مني ولاعمره تكلم
ودايما يطلعني من سبب ويدخلني لثاني
وانا ادور حول نفسي
وكنت حاطه ببالي: الرجل اللي يبادر
واكتفي باللبس والاستعداد الشكلي بس
واذا قربت منه وصدني كنت احسها قضية عظمى
واحس ان كرامتي انهانت واتألم اكثر
كنت فاهمه غلط
وزعلانه الحين لاني مافهمت الا بعد طفلين
وبعد مازادت المسؤوليات
وقل الوقت اللي نختلي فيه مع بعض
لكن الحمدلله على كل حال
مع الوقت فهمت انو زوجي نافر لانه يظنني بارده!
لاني بنظره تقليديه ومافيني شهوه زي الاناث!
وهذا كله غلط بغلط
وحاولت اصحح هالشي


مشكلتي الان محرجة شوي
لكن مالي غنى عن اراءكم الحكيمه
انا بكل مره ابادر اخذ وقت كبير
يعني اهيئ نفسي قبلها بساعااااات
اشغل خيالي.. اتذكر اللحظات الحلوه
اخذ نفس عميق انيم بنتي وولدي
احاول استرررخي واكون راااايقه
واحب اكون مرتببه ومسرحة شعري ومكحله عيني
المشكله الحقيقة لما زوجي يبادر
احيانا بشكل مفاجئ
وانا مصدعه والا تعبانه والا راسي مشوش
اكون متوتره شوي
ويقل تفاعلي معه بعض الاحيان
وهالشي حصل معي امس
تخيلوا لماخصلنا قال زوجي: رجعتي لبرودك!
طبعا قالها وهو يضحك
لكني فهمت قصده تمام
وتضايقت من نفسي
ما ادري يمكن البنات يفهمون علي اكثر

سؤالي الان
كيف اغير نظره زوجي لي وما اكون بارده بعينه؟
طبعا مو معقوله اكون جاهزه ومستعده 24 ساعه
لكن نظرته لي تضايقني
وهو بالفتره الاخيره صاير صريح معي حبتين بهالامور

مثلا قبل اسبوع طبخت والملح قليل
قال لي: اللي تكون مشتاقه لزوجها ماتقلل ملح
قلت له: على كذا اليابانيات ماقد اشتاقوا لازواجهم
طبعا ضحك وسواليف
بس انا والله فاهمه عليه
وهو صاير بكل موضوع يربطه بذاك الشي
وانا اتورط احيانا
يعني بعد ماصرت ابادر صار هو ماخذ راحته
يبغاني مشتاقه له على طول والا صد عني
يبغاني دايما مبسوطه واتدلع واقرب واتودد
سواء هو كان رايق او مو رايق
واذا تجاهلت وطنشت نكد عيشتي
وجلس يفتح لي ملفات قديمه

(تم تعديل العنوان ليتناسب مع المضمون)

(مستجدات الرد27)
http://66n.com/forums/showpost.php?p...4&postcount=27


(مستجدات الرد44)

http://66n.com/forums/showpost.php?p...2&postcount=44


(مستجدات الرد67)


http://66n.com/forums/showpost.php?p...1&postcount=67

(مستجدات الرد79)

http://66n.com/forums/showpost.php?p...3&postcount=79

(مستجدات الرد199)

http://66n.com/forums/showpost.php?p...&postcount=199