عزيزاتي الاحصائية بالنسبة للبنان فيها مبالغة بشكل كبير
لانو اذا عالاحصائية وبدنا ناخذ فيها واذا صحيحة 90%
يعني كل مية فتاة بس 10متزوجات وال90 لاء
طيب وينهن هال 90 من اصل مية
نحن عايشين بالضيعة وعددها كبير كل اسبوع في كذا زواج ان كان صغيرات بالعمر او بالعشرينات او اكثر يعني بس بعائلة ماما عندها خالات وعمات وبناتهن باعداد كبيرة و8اخوات وكل اخواتها عندهن صبايا ما في وحدة بقيت من دون زواج باستثناء خالتها بعد عندها اربع صبايا
ونفس الشي من جهة ابي بس في اتنين من بنات عمه وحدة مطلقة والتانية باواخر العشرين مع انو عيلة ابي كبيرة كتير والباقي تحت سن العشرين
رفقاتي مثلا كلهن اتزوجوا الا وحدة بعدها بدون زواج

الحي اللي ساكنين فيه ما فيه الا بنات عم بابا هني االاثنين اللي سبق وذكرتهن
فما بعرف وين هالعدد الكبير اللي بلا زواج
في اللي عم يكملوا جامعة وبدون زواج وفي المتأخرات بس نسبتهن قليلة قليلة جدا قدام المتزوجات اذا بدنا نحسب عدد المتزوجات وعدد العازبات

الا اذا الاحصائية شاملة كل الفئات فعندها عنا نسبة الكبيرة من المسيحيين ما بيتزوجوا وبفضلوا المساكنة واذا اتزوجوا بعد سن الاربعين والنسبة اللي بتتزوج بسن عادي قليلة جدا
وكنا نروح مع عمي وقت كنا صغار نحضر اعراسهن نتفاجأ انهن كبار بالعمر
وخيي موظف إداري بالجيش اغلب الموظفين اللي معه مسيحيين وبيحكيلنا انو ما بيتزوجوا بكير وبفضلوا المساكنة واذا فكروا لبعد الاربعين

ممكن تكون النسبة 40او 30او 20ونقول شي معقول
بس 90يعني اللي بعيش بلبنان بينصدم من هالنسبة كتير

واكيد في مبالغة بالدول الاخرى وسكانها اعرف فيها


احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه