رد: ابي رحمه الله والإسعافات الأولية
رحم الله والدك وغفر له
كيف يحضر العقل لوحده في تلك اللحظات الحاسمة؟
عندي معلومة لست متأكدة من صحتها.. ان الطبيب يُمنع من اجراء العمليات الخطيرة
لأحد أقاربه .. يظل بشر ولديه عاطفة ومشاعره قد تتاثر ولا يستطيع فصلها عن عقله
ويرتبك اذا كان والده أو والدته أو ابنه مثلا بين يديه وتحت مشرطه لأمر فيه حياة أو موت
اكتب لك وانا ارتجف من تذكر موقف رغم مرور سنوات عليه ..
كنا في جلسة عائلية والاطفال يلعبون حولنا ..فجأة علا الصراخ والبكاء دممممم دمممم
ونشوف واحد من اولاد اخوي وجهه غارق في الدم .. خبطت الكورة فيه اثناء اللعب
مرت أجزاء من الثانية حسيتها ساعات بعدها جريت ناحية الولد خصوصا ان الكل تجمد في
مكانه بما فيهم أمه .. الولد واقف يبكي ويصيح مفجوع ..حاولت اضغط على انفه ما
تركني.. بصراحة انا انفجعت من شلال الدم اللي غرق ايدني معاه صرت اصرخ على اللي
حولي هات ثلج ..هات مناشف احاول اهدي الولد مو راضي يسكت ..
كنت اعرف انه في حالات الرعاف يتنزل الرأس لتحت وكنت اقوله خلي راسك نازل
فجأة واحد من اخوانه صاح لأاااا رجعيه على ورا لا يخلص دمه ويموت
والولد سمع وجاته حاله هستيريه من البكا لااا ما ابغى اموووت ..
بجد انا توترت ..وصرت اعصب عليهم ابعدوا عنا .. روحوا سووا عصير طازج.. واقوله اسكت
والدم بيوقف ..وترى كل ما تحركت أكثر بيزيد الدم.. اخذنا دقايق لحد ما وقف الدم وانا
نشف دمي من الرعب ..جلست ساعات بعدها وانا مشبعة برائحة الدم في انفي ..
ومقهورة من نفسي على عصبيتي وسوء تصرفي في الموقف..
تكرر الامر معاه وصار ابسط لمسه تخليه ينزف .. ويتكرر نفس الصراخ ويستنجدون بي
وانا احس اني فعلا ما انفع لهذي المواقف صعب جدا اتحكم واسيطر على عواطفي ناحيته
اذا امه وهي امه بعدت وما قدرت تسوي شي ولا تتحمل المنظر..
كيف انسى عاطفتي تجاهه واتعامل بهدوء؟
__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..
[IMG]http://im67.***********/mg87DX.gif[/IMG]
14-01-2016, 01:19 PM
ضوابط المشاركة
العرض الشجري