هل يجب علي خدمة أم زوجي - منتدى عالم الأسرة والمجتمع

28-11-2015, 02:47 PM

#16

مهره

عضو المنتدى الفخري

تاريخ التسجيل: Aug 2003

المشاركات: 17,491

رد: هل يجب علي خدمة أم زوجي

اقتباس:

المشاركة الأصلية كتبت بواسطة أحبه حبيبي

ليش ركزتوا على إني ماني متقبلة وجود أمه في غرفة نومي ونسيتو اللي قدمه زوجي لأهلي وكأنكم نسيتو إن الدنيا سلف ودين .. أنا مامنعته يستضيف اللي يبي في بيته في النهاية هو بيته لكن حز في خاطري قوله لي إن هذي أمه وبيبرها وأنا مانعني أعطي أمي من باب برها مع إني عارفة إنه يعطي أهله وساكته وأقول في نفسي أهله ويستاهلون منه مع إني أكمل اللي ينقص في البيت عشان يتوفر عنده شيء ويعطيهم .. للاسف نظرتو للموضوع من جانب واحد .. وطالبتوني بشيء أكبر من طاقتي .. عموما جزاكم الله خير جميعا

ما نسينا .. وأنا شخصياً انتبهت إنج ذكرتي هالجزئية في سياق كلامج .. إلى جانب جزئية طرده لأخوج من بيتكم.

وحسب ما أذكر في موضوع سابق لج .. محد أجبرج إنج تنفذين كلامه لما طلب منج ما تعطين أمج .. ولا هو نفسه له حق يجبرج .. رغم إنج اعترفتي بنفسج إنه هدفه هو الحرص على فلوسج لنفسج .. مب عشان يحطها في جيبه.

بالإضافة إلى أن موقف زوجج من أخوج كان أخوج هو السبب فيه باعترافج إنتي.

لكن في كل الأحوال السالفة مب انتقام يا أحبه .. ومثل ما عمل في أمي وأخوي أعمل في أمه!

الحرمة ما دامها ما أذتج في شي فمالمفروض تحاولين توجبينها قد ما تقدرين .... مب عشان خاطرها ولا عشان خاطر زوجج بقدر ما هو عشان خاطر أخلاقج ومعدنج إنتي.

وبعدين تبين الصراحة .. بغض النظر عن موقفه من إعطاء المال لأمج .. أحس إنج في كل الأحوال كنتي بتتضايقين من قدوم أمه لبيتكم .... صح والا أنا غلطانة؟

__________________

اللهم طِيبَ الأثر .. وحُسْنَ الرحيل.

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 05:35 AM.

روابط سريعه