شكرا لكم جميعا
زوجي شافني متضايقه منه
ماكلمني ولا سألني ايش فيني
طلعنا السوق وسحب يدي لمحل ذهب
شرى لي قلاده وسألته ايش المناسبه؟
قال مو لازم يكون في مناسبه
فمافتحت معه اي نقاش بعدها
يعني باختصار سكتني واحرجني
ولهالسبب غبت عنكم اليومين اللي راحوا

واليوم المساء جت مناسبه
كان يطبخ ودخلت عليه ومدحته
وقلت له شكلي راح اترك كل مهام المطبخ عليك
هو ما اعجبته جملتي
قال لا الغاليه هذي فتره مؤقته بس
وقال انه شايف تعبي مع البنت والولد وراحمني
قلت له اوكي جزاك الله خير
والغريب حكى لي ان زوجات اصحابه زعلانات
لان اصحابه كل يومين جايين يتعشون عندنا
وهو مبسوط ويضحك ويقول سحبت ازواجهم منهم

زوجي ماخذ الموضوع ببساطه فوق اللازم
وانا متوتره للسبب اللي ذكروه الاعضاء
لاني ابحث عن دور في حياة زوجي
علما بانه يساعدني بتربيه بنتي ويلبسها ويحممها احيانا

بس صار يرفض جهودي بحجه انه مايبغى يتعبني
واليوم قال لي.. يكفي طول حملك ماقصرتي بالمطبخ
ما اعرف هل كلامه هذا يطمن او مجرد تخدير

اتوقع اني محتاجه فتره حتى احكم
يعني حاليا هو معتبر الشغله مساعده لاني مضغوطه ببيبي جديد
فاشوف بعد شهر هل راح يستمر والا يرجع الوضع الطبيعي