من يومين بس مملكه !!

اختي قلتي عنه غير واثق من نفسه وخجول ؟
بيومين بس حكمتي على قلة الثقه بنفسه وثبتي احكامگ بعقلگ الباطن

حبيبتي زوجگ مشاعره خام ، انسان نظيف .. ذكرتي انه ماله علاقات وبيوتي وانتي اول وحده يشوفها
كيف تتوقعي وقع هذا كله عليه ؟

تقولي انگ جميله ، مو يمكن بسبب جمالگ انلخم الرجال وارتبگ ؟

الصفات الي ذكرتيها عن زوجگ جميله ، كفايه انه بيكمل دراسته يعني انسان عصامي يطمح للافضل
نصيحة اختگ لگ جميله اكتشفي زوجگ وعلميه الحياه معگ
خليه يفتح ع ايدينگ ابرگ من واحد مفتح مع غيرگ

اصبري يا اختي لين يتعرف عليگ ويبداء يحبگ بتشوفي كيف يتغير
لاتستعجلي كل شي بوقته حلو

جرائتگ ايام الملكه وبالمكالمات ، انا تعجبني البنت الجريئه
تآكل الجو من اولها وتترگ نكهه عند زوجها ، يفقدها لو تغيب عنه ساعه ، لها جو غير مع زوجها
بس وظفي جرائتگ بذكاء زي ماقالت خاله بيتا ،

ادعميه حبيبتي ، وثقفيه بنفسگ وحاوريه دام انگ جامعيه مثقفه
ازرعي من الان للقادم عشان تحصدي الاجمل

تعوذي من الشيطان ، واستمتعي بخطوبتگ
اعزميه بالبيت وتعرفو عبعض ، وتكلمو ، واسآليه بصراحه عن كل الي بخاطرگ
وخليه يسآلك عن كل الي بخاطره ، اكسري الحواجز بداخله
وبشرينا ، الي عندگ دلع بنات 😬😬
عندي 8 اخوات بنات منهم المتزوج ومنهم الي مملگ مابقى الا وحده
وكلنا بعد الملكه ندمنا وبكينا وحسينا انه تسرعنا
والحين يارب لگ الحمد والشكر ولا وحده فينا منفصله ولا عندنا مشاكل

تفائلي عزيزتي ولا تعطي للافكار السلبيه حيز تخرب عليگ فرحتگ بخطوبتگ

__________________







بين منطُوٓقّ لم يُقصَد ،
ومٓقٓصُود لمُ يُنٓطق ،
تٓضِيٓع الكٓثِيرٓ مٍن المحٓبة . . .


هديتك لخطيبتك ، النظره الشرعيه ، ليلة الدخله
تدخلات الاقارب ، اختيار شريك الحياه ، نصائح ذهبيه
تجهيزات وترتيبات شهر العسل ، مكالمات ولقآءت الملكة
هديتنا للمقبلين والمقبلات علي الزواج

مفضلة المقبلين على الزواج 2014