موضوعي هذا اتوقع تفهمه النساء اكثر من الرجال
انا مر على زواجي حوالي 5 سنوات
وماعرفت الاستقرار مع زوجي الا اخر سنه
وصارت علاقتنا يغلب عليها طابع الصداقه
وهالشي خلا زوجي قريب مني اكثر

الحاصل انو قبل شهرين
واحد من اعز اصدقاء زوجي تزوج على زوجته!!
لاسباب تااااااافهه
كان عذره انو زوجته ماتشبعه!
رغم ان بينهم عشره 8 سنين و 4 اطفال
وانا شايفه زوجته.. جميله جدا ومرتبه وسنعه
الغريب انه تروج وحده اكبر منه واقل جمال من زوجته

انا عرفت بزواجه قبل زوجته
حاولت اتدخل وحلفني زوجي اسكت واتركها
وانا تضايقت عشانها
ماتستاهل.. وعلى فكره هي اجمل مني

زوجها كل يوم هذا موضوعه
غير شكله وغير ملابسه وستايله
ورجع 10 سنين ورا.. وصار يمدح حياته حياته الجديده
طبعا كل هالكلام عرفته من زوجي
وانا اسميه خاين.. وزوجي يقول لا هذا شرع الله
وقلت له يا ويلك لو عملت مثله
قال لاطبعا انتي غير عن باقي الزوجات ومن هالكلام


المشكله ان زوجي يعز كثير هالرجال
وعلاقتهم قدييييمه.. ويتشاركون بكل شي
ودايما يعزمه عندي بالبيت
وانا صرت اكره اسمه ولا ابغى يدخل بيتي
لانه صاير قلق وكل شوي يمدح التعدد
وزوجي يعلمني وهو يضحك
وانا على اعصابي ما ابغى المزح يقلب جد
بعدين مره سألت زوجي ليه الرجال يعدد؟
قال ربي زين للرجال شهوة حب النساء..!

رده يخوف
بس ماناقشته فيه
وطبعا ردة فعل كل زوجة تختلف
زوجي يقول ان صديقه سأل المجربين
وقالوا له بتزعل زوجتك وتنكد مده سنه
بعدين بتتقبل اللي صار وتسكت!!
قلت له انا لو مكانها اطلب الطلاق مباشره
وارمي عيالي عليك واتركك انت وهم

اقسم لكم بالله اني صادقه بجوابي عليه
وانا اعرف زوجي زين
هو يتكلم باخبار صديقه.. والفكره تدور براسه
وهالشي متعب لاي زوجة

ما ادري كيف انسيه او اكرهه بهذا الشي؟
خصوصا ان زوجي عنده فراااااغ ووقت ممل طووويل
يعني دايما يحس بملل
ومايحب ينجز كثير.. يدور الترفيه ويحب السهر
وماعنده اي مشاكل تشغل باله
من البيت للدوام لاصحابه.. وهكذا
خاطري اشغله بمشروع تجاري او اطلعه من جو الفراغ
عطوني اقتراحاتكم