انهد حيلي من كثر التفكير
ولدي الكبير من سنة جنني يبي يتزوج ثانية.. والمصيبة مختار البنت ومنتهي..ويبيني أخطب له وأزوجه.. لا حول ولا قوة إلا بالله..

حاولت أصرف نظره بكل الطرق (نصيجة شد لين زعل غضب ) مافي فايدة..
عشان أثنيه قلت له ترضي زوجتك بمية ألف قال تم...هو اللي عجزني.

سنة وأنا كاتمة بقلبي ومن أسبوع خبرت أبوه وقلت له الزواج هذا مايتم شوف ابنك واتصرف معاه....

أبوه جلس معه خمس ساعات قافلين الباب مدري وش يقولون..
آخرتها الولد نزل بيته وزوجي قال لي زوجيه لا تحاولين... تراه مقرر وخالص..

ماعنده أي أسباب والله زوجته ماينقصها شي عشان يجيب عليها حرمة... يبي يعدد وبس...

يقول البنت لمحها في بيتي ودخلت قلبه ويبيها بالحلال...مع إنه بيتي طابق الحريم منفصل عن طابق الرجال مدري كيف شافها ...

يقول مابينه وبينها أي علاقة ولا يعرف دربها.. البنت محترمة و أهلها ناس محترمين..والناس ينشروا ماينعاب فيهم شي..واللي يبيها ماتنقص ولا تزيد عن زوجته في شي..

بالله قولوا لي كيف أطلع من هالمصيبة؟؟
كيف أخرب بيت ولدي بإيدي؟
نفسيتي دمار.. كل ما أشوف زوجته قلبي ينقبض وأشفق عليها...






مستجدات الرد 194

http://www.66n.com/forums/showpost.p...7&postcount=19


مستجدات -الرد207-

http://www.66n.com/forums/showpost.p...&postcount=207