كوفي شوب الصبايا (٣) - منتدى عالم الأسرة والمجتمع

مملكة المرأة جمال المرأة ، الازياء ، العطورات، ومستحضرات التجميل المشاركة للنساء فقط

30-09-2015, 08:31 AM

#11

مــريم

موقوف

تاريخ التسجيل: Feb 2006

المشاركات: 14,194

رد: كوفي شوب الصبايا (٣)

شوك ..
البنات يحسسوني إني السبب في إلغاء الحفلة ويقولوا لي اضغطي على نفسك شوي وأحضري مرتين ..
أنا ضغطت على نفسي وايد :
1- قبل مانروح نخطب كلمت أمهم وقلت لها حددي لنا متى نقدر نجيكم بس يكون يوم (جمعة) لأني إذا بجي يوم الخميس أوصل 5 المغرب ما اقدر أجي على الرحلة اللي قبلها لأني أكون بالدوام . تخيلي بعد كم يوم اتصلت لي وقالت حياكم عندنا يوم الخميس

ضربت بكلامي عرض الحائط ..
2- قلت لهم خلوا الحفلة بعد العيد مباشرة عشان ما أروح وارجع وهم رفضوا قالوا نبيها في الويكند اللي بعد العيد .. قلت طيب لجل عين تكرم مدينة.. والكلام اللي قلتوه كله أنا قلته ..
تخيلي أمس رجعت قطر أنا وبناتي عشان نداوم يومين .. وبكرا بنرد نروح البحرين عشان نحضر الملكة وبعد يومين برجع قطر مرة ثانية .. يبوني بعد أروح الويكند اللي بعده ؟
ألحين يراعون ظروف الجار ومايراعون ظروف اخت المعرس ؟؟ وأنا الكبيرة أنا اللي بمكان امي الله يرحمها وأنا اللي خطبتها له ..
ضغطت على نفسي وعلى ظروفي مرتين عشان أخوي .. وخلاص الأمر فوق طاقتي ماقدر أضغط على نفسي أكثر ..
وترا قلت لأخوي عادي سووا الحفلة بدوني .. الحفلة لعروس وأنا عادي لو ماجيت مافيها شي .. بس أخوي رفض رفض تام وقال خلاص يبون حفلة يسوونها هالأسبوع أو يلغونها تماما .. وهم اختاروا الغاءها مع إن أحنا قلنالهم بنسويها في بيتنا .. أو احجزوا في صالة .. أو أعملوها في بيتكم من غير دي جي احتراما للجار.. كل اقتراحاتنا مايبونها .. أكثر من جذي مراعاة ؟

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 08:24 PM.

روابط سريعه