ما شاء الله أنتن تتناقشن وأنا في سابع نومة.
.
.
.
سبحان الله .. كلامكن عن الإخوان المتزوجين وزوجات الإخوان وأخوات الزوج .. كله غريب وأبداً ما مرّ عليّ!
.
.
.
شوك .. صدقها أمج ترا.
طيب شوفي هالموقف..
من كم شهر رحت هوم سنتر ولقيت طاولة التقديم اللي تكون بعجلات .. عجبتني وأساساً أنا كان خاطري في وحدة .. فتوكلت على الله واشتريتها.
وطبعاً أمي والبنات يشوفونها لما تكون العزيمة الأسبوعية عندي لأني أحط عليها دلال الشاي والقهوة والفناجين.
الأسبوع اللي طاف كان عندنا مشوار لهومز آر أس أنا وأمي .. كانت مشترية غرض وتبا تبدله .. واحنا ماشين مرينا حذال مجموعة من هالطاولات .. وعلى طول أمي قالت: أبا آخذ لي وحدة .. وخذت رايي فيهن بعد .. واشترت اللي أنا قلتلها عليها.
وكشخت فيها يوم العيد.
أنا عارفة إنها اشترتها لأنها من الأول شايفة طاولتي وعجبتها الفكرة.