السلام عليكم
ارى انك قسيت علي بالردود نوعا ما
ذكرت سابقا اني حساسه ف بشويش علي الله يجزاك خير* 💔💔 خصوصا اخر ردد

نبداء حبه حبه
_المستشاره تبع منتدى استشاري تحمل لقب مستشاره
_الأنماط نمطه شمالي غربي نمطي جنوبيه غربيه
كلنا نتمتع بنفس جنون واندفاع الغربي .. تعبيري بالحب كلام لمسات احتضان وقبل وتعبيره بيت اثاث طلعات سفر فلوس
_الشمالي يقتنع بكل شيء الا بالتعبير عن الحب مايعبر الا بالماده بس والكلام الحلو يطلع بالمناسبات ولما يراضيني وبعض الاوقات الخاصه .. ولكن قليل و70 بالميه منه عالواتس او رسائل يقولي كلام يجنن وهو برا واذا جا برد له هالحمي واعبر له الاحظه يتهرب وينكت وانا اكون مستعده اني ارد له هالحب اللي قاله اذا صار فيس تو فيس مدري ايش يجيه يتهرب ويتنحش .. ! صعبه يطلع الكلمه مع اني مريحه ومو متسرعه بالرد ويعرف اني عمري ماكسفته او نكت عليه ولا جرحته بأسلوبه بتوصيل الحب يعني ماشكل ضغط بالعكس عيوني تلمع وابتسامتي شاقه وجهي 😂 ولكن يصيبه الخرس ويلعب بجواله ويسحب علي ..
_توقفت عن المشاعر من عقب النفاس بس احس تعبته لانه متعود عالحب* ولما فقده صار يبحث بطريقته الا غصب ياخذه مثلا الان اذا جا يطلع يعطيني خده يعني مثلا ادفه لازم اودعه واطبع قبله غصب ماحب اكسر خاطره ابد مافكر انه هو يبداء ويودعني !!! كبرياء قاتل .. 💔💔
_المستشار الثاني متزوج له 14 سنه وعنده ابناء بس من رده علي قلت لك هو عاطفي ويرى ان هذا الحل الأمثل ولما قلت له مانفع قال تنفع مع كل الرجال الا في حالة الزوج مايحب زوجته جرحني صراحه
_السبب لعشقي لزوجي سبحان الله اولا من الله انا احبه وارى فيه امور لا يراها احد .. امور ظاهريه وسامته ونظافته وظيفته ورائحته الجميله وهندامه
امور محسوسه
*انا اعرف ان زوجي يحبني رغم مشاكلنا متمسك فيني وارى الحب في اهتمامه فيني من ناحية ماكله شاربه مرتاحه هو مايجلس بالبيت بس يعرف اني احب الافلام والتشوكليت ف كل مرا ينزل يشتري للبيت يجيب لي تشوكليت من دون طلب واذا خرب التي في صلحه واشتق مع انه مايشوفه الا بالسنه حسنه .. اشوف حبه في الاهتمام بمصروفي انا انسى اخذ ف يحطه في بوكي او شنطتي وماينساه ابد شهر بشهر مع انه مصروف لعب هو كل شيء عليه جوالي ولبسي واغراضي هذا بس مصروف يد للوناسه .. اشوف حبه ب رغبته فيني في الامور الخاصه .. اشوف حبه في الهدايا والعيديات اشوف الحب في كرمه معي ومع اهلي لما اقوله اهلي عجبهم التمر مثلا يروح يجيب كرتونين لهم مثال× بالنفاس يشتري مقاضي وذبيحه ومايبقي شيء حتى المعلبات ويجيبها بيت اهلي هذا الامر معاد احد يسويه من جيل اليوم ولكن هو محافظ عليه وبصراحه انبسط مع ان اهلي مو مقصرين علي بشيء وحالتنا ممتازه ولكن هذا الشيء يسعدني على قولتهم علوم الرجاجيل* ...
اشوفه ب احترام رأيي بعدم دخول اصحابه او الشيشه بيتي..

ينقصني وجوده بالبيت ولو جلس على جواله ومايحكي الا قليل او قبل النوم يعطيني ربع سالفه عادي عاجبني بس اي شيء يضايقه ويعصب ينقصني الاحتواء العاطفي فقط انا رومانسيه واريد عيش هذا الامر مع زوجي ماطلبت عيب او حرام اوك اريد وجوده عندي احساسه بي من ناحية المشاعر والتلطف والاسلوب اللطيف مو الزعل والعصبيه والنفاخ ذكرت انه يعصب لاتفه الاسباب ومأتش مرات بسبب انه ماشيش ومرات كذا .. وانا بااارده بالرد وامتصص ولكن الا متى ..
_الاحتضان وغيرها ارى مشكله بزوجي متكبررررر جدا ويرى انه افهم الفاهمين ولا يفكر انه يقراء او يبحث في احتواء زوجته لو يموت مره تخاصمنا مخاصمه قويه واتصل يبكي وانه تعب وكذا توقعت برجع القى انسان اخر رجعت وعاقبني بالصمت والهجر لما صرت اترجاه ينسى اني تركته وهو الغلطان اساسا 💔💔💔
يعني كنت اصور بوستات بالانستقرام تحكي عن الزوجه والاهتمام بها وارسلها له يحط هالعلامه 👍👍 طيب طبق ؟؟؟؟؟
_مافهمت طريقة تعامل الرجل مع المرأه
لا زوجي مايكلمهم ولا يرد عليهم ولا على اي بنت عنده ولا يرتوت لهم كأنهم مش موجودين ويقولي انه نفس الشخصيه بالدوام واذا صار اتصال وانا موجوده يحكي عادي كأنه مع رجل يعني مو يتخصبق وكذا تشبع منهم 12 سنه وهو بينهم ..
اعرف ان زوجي مايعطي وجه ولكن اغار واخاف عليه خصوصا بعض المواقف يحكيها لي بطيب نيه مرا يسولفون وين سافرت؟ وين سكنت انبسطت خذت بنتك ؟اشرح لي عن مترو المنطقه الفلانيه ليش زوجي العرب المسافرون ولكني ماقوله ليش قلت لهم اخذت الموضوع بفرفشه وانا متضايقه من لقافتهم ..؟
...
_اكيد يغار علي لدرجة الشك مثل ماقلت لك .. انا عاديه مو ملتزمه وعبايتي مو غطاء شرعي عبايه عاديه واشكال والوان ومتعود زوجي اخواته وبنات اخواته زيي والبس نقاب واتجمل عند الخروج معه هو اما مع اهلي اغير العبائه لعبائه اهدى وبدون تجمل .. يمنعني من الخروج الا بوالدتي او اخوتي هذي اضعها غيره وصلت للشك .. يراقب نظراتي بأي مكان وهذا يزعجني يقول وين متنحه ويويلي لو كان قدامي رجل وانا والله اناظر امر اخر والله محد يهمني وميته بزوجي
لا يمكن ارى غيره ..
يغضب اذا رأيت مقاطع رجال ..
يغضب ويحترق اذا رأنا بعض اصحابه وحتى اخوته يمنعني من السلام عليهم ومره خرجت من استراحه ابركب السياره وفي اخوه غضبببببب ليش تنزلي واخوي موجود تيب هو دق قال اطلعي ؟؟
غير منعه لتويتر وللرجال ب انستقرام وللسناب شات ومكالمة اس تي سي ومكالمة المطاعم كل هذه اضعها ب ايطار الغيره وبعضها غيره مرضيه وشك ..

_لم ارسل الرساله اردت استشارتك
_الرساله لم استطع تحديد سوى ما اراه انا لربما نظرتي ضيقه او اني اعيش بعالمي الوهمي هل من الممكن ان تعطيني مثال لرساله اذا سمحت ..
_قسوت علي هنا في اني لا افهم بالحياه الزوجيه
هل من المكن تعديل هذه المفاهيم انا غارقه بالحب حتى لو لدي امور اخرى اهتم بها ف انا اولي المشاعر اهتمام كبير ..
* # لقد اخبرته سابقا ان الزوجه التي تعيش فراغ عاطفي ربما تبحث عنه خارجا عن زوجها
ابيه يتحلحل ويحس ولكن انقلب علي بالشك والمنع من كل شيء فيه طيف رجل