وين رايح ؟ وين ومع مين كنت ؟ اهتمام ام حصار
السلام عليكم ورحمة الله وبركاته ..
في الاونة الاخيرة واجهت عدت تساؤلات من زوجتي عندما أخرج من البيت لبعض من الوقت
وأحيان بصراحه أكون سهران مع عيال عمي في القهوه او عند بيت عمي ..
مو شرط كذا أحيان أصحى مبكر لصلاه الفجر وبعدها أطلع أشوف رزقي وأطلع الصبح أشوف اشغالي وبالذات انا أحب واموت في قومه الصبح بدري . الارزاق حسب علمي توزع في الصباح المبكر والهواء يكون نقي في الصباح وكل شيء يكون جميل جداً ..
من يومني صغير وانا أقوم صبح بدري .. عشان كذا وضحت لها وبغلتها بكل شيء ..
مع ذلك ألاحظ منها تسألني وش عندك من اشغال .. تهتم بالتفاصيل كثير لكل دقيقه ولكل ثانيه .. بصراحه هالشيء يضايقني كرجل . خاصة أني طول حياتي ما أحد يسألني هالاسئله ..
بصراحه الله يشهد علي أني أعاملها أطيب معامله وما أعتقد بيوم قصرت عليها أبداً من كل النواحي .. لكن هالاسئله وين رايح وش عندك ومع مين ومتى بترجع ووش قاعد تسوي ؟
تضايقني ك رجل لان الرجال يحبون الحريه في التصرف والوقت ما يحبون ينحكرون تحت أسئله كثير لا يعرف كيف يتم أجابتها بشكل يومي ..
سؤالي للمتزوجين / هل هذا الشيء طبيعي أن زوجاتكم يسئلونكم أسئله زي كذا ؟؟ وهل هذا يضايقكم ؟؟
سؤال للمتزوجات / هل أنتم تشوفون هالشيء عادي ومن حقكم تسئلون هالاسئلة مع كل طلعه لازواجكم ؟؟
بصراحه أحترت .. هالشيء يضايقني جداً ولا ودي أغلط بيوم وأزعلها .
تم تعديل العنوان ليتناسب مع المضمون
__________________
يارب ،، ارزقني بالذريه الصالحة
واحفظ لي زوجتي وبارك لي فيها 💕🌸💕
وأجعل حياتنا سعيده هنيئة يارب