انا شفت ردود هجوميه ع الموضوع والي يحرم والي يحلل والي يشبهه بزواج المتعه
زواج المتعه بمدة محدده بالعقد ولكن ذا زواج دائم مستوفي الشروط اللهم الفرق انها تتنازل عن بعض حقوقها لظروف خاصه وحللوها كبار العلماء
مثلاً بنت ترعى والديها كبار بالسن ولاتحب تفارقهم وراضيه تتزوج مسيار واهلها راضين دام تعف نفسها وتستر نفسها بالحلال ترا الدين يسر

وانا اختي متزوجة زواج مسيار والسبب ظروفها الصحيه وبعد سكن زوجها ولانرغب ببعدها عننا هي راضيه وهو راضي عندنا ونهتم بصحتها

الزواج هذا انا من ناحيتي اشوفه لابأس فيه اذا فعلاً ظروف البنت جابرتها على هالشي بس انه يخاف الله فيها من نفقه وسكن وكافة احتياجتها

والله يسامح بعض الي ردوا ردود تجرح لو تقرا كلامك احد البنات الي ظروفها حدتها على هالزواج بتنجرح وتتضايق لحد يفتي من راسه ترا الفتوى عظيمة والي تقول تفريغ شهوه ليه ماتسمينها عفه وهو مطلب كل مسلم العفاف خافوا الله فيما تكتبون [ومايلفظ من قولٍ الا لديه رقيبً عتيد ] ستألون عن ماتكتبون يوم القيامة