عزيزتي انتي اجمل اتأكدي انك ما غلطتي حسب رد الاخ
لانو ما بعرف كيف بينظر للمرأة
هل هيي انسان بيحس وبيتعب ومن ابسط حقوقه يكون له رأي
او مكنة لازم نبرمجها متل ما بدنا
ما عم احكي هيدا الحكي لاني انثى متلك
لا بل لان رب العالمين كرم المرأة بنجي نحنا البشر بنذلها
الزواج شراكة بالرأي بالحياة بالحلو بالمر
يعني زوجك طلب عزيمة وعملتي من اول يوم ليوم13وهالشي اجهدك وزوجك ما شعر فيك ومعروف عن الزواج مودة ورحمة
ووقت الزوج بدو زوجته يا تسمع كلمته على حساب صحتها ونفسيتها يا بيزعل
هون راحت المودة والرحمة وهوي اللي جبر المرأة تقول انا مش من واجبي اطبخ كل يوم كذا صنف واهلك نفسي وما لاقي وقت اني اقرأ قرآن او اتنفس وارتاح
ارحموا من في الارض يرحمكن من في السماء
انا عندي ابن اذا الله كتبلي عمر ما رح خليه يتحكم ببنات الناس
متل ما انا تعبت فيه اهلها تعبوا فيها وما اخدها جارية ليتحكم فيها حياتهم مشاركة ومساعدة ومساندة
مش فرض رأي شخص على حساب راحة الآخر
كان المفروض من زوجك حابب يكسب اجر يكسبه بنفسه يا يساعدك بالبيت وياخد ابنك يهتم فيه
يا يدخل عالمطبخ ويحضر الفطور ويكسب الاجر لنفسه بإفطارك وافطار اصحابه
واغلب الشيف هني رجال يعني تحضير الطعام مش شي صعب انو يتعلمه وهيك بيعرف الوقفة بالمطبخ حد الزيت اذا متعبة او لاء
ومن شيم الرجال وقت ينوي يأدب زوجته يترك مصروف لابنه وهيدا واجب الابوة
وديننا هيك امرنا وديننا يسر مش عسر
وديننا رحمة
ورفقا بالقوارير
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه