السلام عليكم ورحمة الله
ان شاء الله انكم بخير
راح ادخل بالموضوع بسرعة 👀
السالفة ان ودي احب وش اسوي ، عشان احقق ودي
او اقمع الود اللي فيني 😁
مع انه ماقد خطر ببالي هذي الفكرة فترات حياتي السابقة قبل الزواج الأول ، او بالاصح كنت راسمه صورة بذهني عن الحب شيء بتجيبه الايام مع الزواج ماله داعي ادوش نفسي ولكن قدر الله وماشاء فعل والحمدلله ما كتب ربي التمام.
والان انا ببداية العشرين وجد والله (ودي احب) ، يعني الرجاء من الجميع عدم فهم موضوعي بالشكل الخربوطي او افكار متعديه الخط الاحمر
مو السالفة خمسطعشر رسالة غزل باليوم لالا انا كذا ودي يعني بيومي شخص اهتم له وكذا يعني ارعاه واسأل عنه ، وهم ابيه يسأل عني بس انا 😳 ( فراغ عاطفي شكله ) مو دور العاشقة المتيمة لالا حلم اليقضة اني راح اسأل عن الحب بدافع الحب ورراح اهتم بالحب بدافع اني احبه وان هو شيء مميز عندي بداخل قلبي.
و ودي والله اشتري هدايا له وودي يعني اقدم, تقولون هدي اللي حولك قسم بالله هديت لين خفت يحجرون علي من التبذير, افكر لو كان عندي حب كنت بعطيه عديه ، ولو كان عندي حب كنت بنتظر العيد عشان اهنيه ،،
بس جد ودي اهدي الحب الماعرفهوش هديه😂
لما امر محلات ورد اشتاق ادخلها وانسق واحاول اطلعهها بلون مميز بشكل مختلف مرات اقول مالك هدف من الدخول واروح اسيح بالارض
، ايضا احتفظ بصور مزهريات واشكالها خوقاقيه

وعاد اذا ثقلت ع الجهاز بدأت بالتصفيع
هذي عينه 😁😂
واحلم يقضه عن طبعه لو يكون هذا الحب ضحوك مزاح لايسرف بالغزل اللله يخليه بقدر مايكون انسان ضحوك ممتع ، صراحة قبل يومين كنت افكر!، ايش راح يصير لو مثلا دورت لي حب وتعرفت ، لكن النفس الكويسه بداخلي قالت بطلي يابنت احنا برمضان ، بعدين فكرت لما يخلص رمضان راح اشمر سواعدي وابدا !! بس هل فعلا راح تسوين هالشيء!، الاقيني اجيب على نفسي كيف انابفترة مراهقتي ماسويت هالشي اسويه الحين كمان مو بس كذا يعني الخوف من الله لازم يكون اكثر شيء افكر فيه واخشاه..
قبل فترة كنت مع مجموعة بنات وكنا نتحدث عن العلاقات وذكرو عينات لاناس توجت محبتهم بالزواج وايضا امورهم جيدة ، ربما ارفض هذه الفكرة قطعا لكن اليست سبيل لبناء لبنات حب متجانس مدى الحياة !
خاصة اني ارى بعيني حتى قبل من يفعلها ويعيش الحب
وو اعتقد انهم سعداء

والرجاء عدم جرح المشاعر
والتهزيء بشويش اذا بتنصحو