بعض البنات يخافون يسايرون وينفهمون غلط وينشك فيهم

بصراحة ما الومها

ولو كانت تقبلت بسرعة ممكن تجي وتكتب موضوع انك شاك فيها

تحس انك اخطات ليش؟

المفروض بهالفترة بالذات المبادرة تكون من الولد

من جهتك انت

مو منها

البنت تجي خام ماتعرف شي وتستحي..

انتو تطلبون تكون البنت أوطة مغمضة.. واذا جتكم الأوطة المغمضة تشكيتوا

طبيعي ماراح تسلك معاك من البداية

الحين متندم ومتحسف بدون سبب

شلون لو مكتشف فيها عيب؟

بعدين حلو الغزل بس لاتبالغ فيه لانك في البداية.. مامداك تعرفها

عشان يصير في مصداقية مو مبالغة

مو كلام حلو لمجرد انك تبي تقول كلام حلو.. كلمة من القلب ابلغ من كثر الحكي والغزل اللي ماله طعم وبدون مناسبة

مو شرط تطفح مكالمات لمجرد انها خطيبتك

عادي اسال عنها وعن احوالها مرة مرتين باليوم مكالمات قصيرة ومو شرط تقول كلام حلو

مرة ومرة

اهم شي تحسسها انك مهتم وبدون ماتحس انك دلقت نفسك

وكل كم يوم كلمها مكالمة طويلة

مو تروح كلك ولا تجي كلك

لا افراط ولا تفريط