مساء الورد

كيفكم جميعا ..
من زمان عن المشاركة في هالقسم .. حبيت اشاركم بطبق عشاء سويته البارح ..
اعتذر ماعندي صور مناسبة الا الطبق بشكلة النهائي لكن ان شاء الله الشرح يكون وافي ..

حابه اسرد المقادير من خلال الطريقة ..

بعمل اول شي الحشوة ..
بحط زيت بالصاج واضيف عليه البصل المقطع ..
بعد مايذوب وبتحمر اضيف عليه الدجاج المتبل ( دجاج مقطع صغير + كركم وملح وفلفل اسود
وابيض وكمون وملعقتين زبادي وفص ثوم )
بعد مابينشف الدجاج اضفت بالاخير جزر مبشور وبقدونس وملعقة صغيره جبنة ..
طبعا عموما الحشوه حسب ماتحبي ..

ثانيا ببدا اسوي لفائف العجين ( الكريب) ..
2 بيض + كاس ونص دقيق + رشة ملح + ملعقه سكر+كاسين حليب سائل تقريبا
واضفت الماء لحد ماصارت كثافتها تمام ( خليه خفيف شويات) ..

خلطتهم وبديت اخبزهم على الصاج واحمرهم من الجهتين .
وكل مااخلص وحده احشيها بالدجاج والفها ..لحد مااخلص الكمية

ثم اسوي الباشميل سواء العاديه او السريعة ..
كاستين حليب + ملعقتين كبيره دقيق + ملح ..

ارتبهم بالصينية بشكل طولي ثم اصب عليهم الباشميل ثم ارش عليها شوية جبنة موزاريلا
وعلى الفرن يتسبكون شوي واحمرهم من فوق ..
وبالنهاية ارش عليهم شوية بقدونس ...
وبالعاااافيه