دايما لماكنت اجي ابغى ارد على مشكله هنا. اقول في تفسي ياشيخه انتي ماحليتي مشاكلك وجايه تتفلسفي على الناس ...
ودايما يتراود في ذهني كلام قريبه لي قالت شفتي ذول اللي قاعدين مستشارين للناس موقادرين يحلو مشاكلهم في حياتهم ،، وذكرت مثال من قريب لنا اعرفه. قالت شفتي فلان مشترك مع مؤسسه وصاير مستشار اسري وهو بيته بيطق من المشاكل !

............

حاليا انا في بيت اهلي انتظر الفرج. ... ما ادري اذا بيجي لي يوم الوم نفسي ولا لا ؟
لكن بنظري الحياه بدون ايذائ نفسي وجسدي. افضل بكثير. ،، مدري اذا اللي عندي برود ولا تبلد مشاعر
مدري اذا فعلا اسلوبي او طريقتي غلط لكن انا حاولت. واقول في نفسي مهما كنت معه ماله حق يأذيني جسديا او بشايم والسب والقذف حتى لو كنا مو متفاهمين
لما جيت هالمره لبيت اهلي كان قراري غير. انوه انا ماعندي استعداد ابرر لاحد اي تصرف لاني نقتنعه فيه ولا احد يلومني بشي وهو ماعاشه ولا ذاقه
الضرب عند ابوي خط احمر لكن يضل بالنهايه رجل شرقي يحس انه المراءه بعدد الطلاق تبور مسكينه وانا الرجل مهما كانت عيوبه يذهب ويستمتع بحياته حتى هو يعلم بقرارته نفسه انه اهانني. فهو بالنهايه لايريد لي الطلاق
من يوم حضرت الى البيت لم الم نفسي بل كل المواقف السيئه منه امامي وحتى اراجع نفسي ببعض الامور هل انا استحق هذا الانفعال منه ام لا ولم اشعر بالندم وبالعكس كانت نفسيتي مرتاحه جدا
لكن اليوم استوقفني ابي بكلمه بعد ما قلت له انا لن اعود له حتى يأتي هو بنفسه ويعتذر ويكون قراره نابع من ذاته انا لست معيوبه كي يرى نفسه علي متفضلا قال لي العود يابنتي من اول ركزه مو جايه اللحين تعدلينه المفروض من البدايه وقفتيه عند حده وبالكلام الطيب وعدم المرادد
قلت طيب هل انت عشت معه حتى تحكم علي. انا حاولت معه بالكلام وبالزعل داخل البيت وحتى تتدخلتوا انتم بالموضوع معه. لكن لم يفد معه. . حزنت انني بالنهايه ملامه
هو يتصيد علي الاخطاء والزلات ويكبر ويضخم ويبررر لافعاله باسباب واهيه جدا لاتنطلي للعاقل وكلها تصب بانه لارغبه له في لم يحبني او لم يستلطفني. ولكن عيبه الواحيد انه ليست لديه الجرأه ان يطلق بشهامه بدون ان يضع في العيوب حتى لا ياتيه تانيب الضمير

حاليا فكري مشوشه فانا لا اريده لاني تشبعت اهانت منه ولا اعلم هل الدعوا بالتسخير وصلاح الحال ام ادعوا. بالانفصال والعوض الصالح فانا في سجودي احتار كثير فدعوا الله بان يخرجني من هذي المشكله بما شاء وكيفما شاء لم يعد لي طاقه حقيقه في تقبله
حدثوني عما هو بعد الانفصال. لدي طفلان ؟

تم تعديل العنوان ليتناسب مع المضمون