السالفة ومافيها ان زوجي المصون حضر ورشة عمل قبل كم يوم

وجلس يمدح في اخصائية ويقول عنها انها رائعة وقمة في الأدب والاحترام والعلم وانها متواضعة رغم منصبها

أنا قلت ماشاء الله عليها وبس ما أخذت في بالي ولا أعطيت الموضوع أي اهتمام

والليلة اكتشفت في جيب زوجي بطاقة عمل للاخصائية طبعا فيها اسمها ورقمها وعنوان العيادة اللي تشتغل فيها

أنا انقهررررت وانصدمت انه ليش ياخذ بطاقتها ووش يبي فيها؟!!

والحين محتاره أفاتحه بالموضوع وأسأله عن السبب وللا أسكت؟

أخاف افاتحه بالموضوع ويقلب الطاولة علي كالمعتاد ويقول ليش تفتشين جيوبي

وفي نفس الوقت مقهورة ودي أعرف سبب احتفاظه بالبطاقة

للمعلومية زوجي اكتشفت خيانته لي في السنة الأولى من زواجي واكتشفت انه يدخن من وراي وهذا سبب تفتيشي لجيوبه (رغم اني تركت هالعادة فترة بس مدري ليش رجعت لها الليلة)

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا