حبيبتي شوك الحياة فيهاالحلو وفيها المر
ومش كل شي متل ما بنتمناه بنحصل عليه
صحيح اخدت زوجي على حب
بس الاتكالية وترك المسؤولية عليي بتعبرها انانية منو وانا بحب الرجال هوي اللي يكون المسؤول
مع انو غيري بشوف انو حب زوجي الي كافي وما لازم اعترض على شي
مع انو غيري بشوف انو يساعدني بالبيت وبترباية الولاد او اتركهن معو شي كبير بالنسبة للرجال
مع انو غيري بشوف انو معطيني الحرية المطلقة ما لازم اطلب او اشكي
بس المسؤولية الكبيرة بتتعبني كتير وبتمنى ما يساعدني بالبيت ولا بالاولاد ولا يكون رومانسي بس يحمل المسؤولية بكاملها
واقتنعت انو ما في شي كامل ولا ممكن يكون زوجي معمول بقالب متل ما انا بحب
بس هالشي ما بركز عليه
بل بركز عالايجابيات التانية
واقلمت نفسي مع السلبيات ولو ما بحبها
اتعلمت حب نفسي كتير واعطيها حقها وهالشي ما اجا من يوم ويومين
وخليت المصارحة تلعب دور كبير بحياتنا
لانو الحب مهما كان كبير من دون تقارب الافكار ما بتنجح العلاقة
فمرات بعتبر زوجي صديقي لنفهم عقلية بعض
ومرات عشيق لاعطي نفسي حقها
ومرات زوج لخليه يشاركني بمسؤولية الولاد والبيت على قد ما بيقدر ولو اخطأ المهم يشارك
ومرات بعتبر نفسي عزباء وبتقمص الدور
برضيه باشيا وبخليه يرضيني باشيا
مع الوقت كل شي بصير
بس بدنا نبدأ بأشيا صغيرة ونعرف نستغلها لننتقل للاشياء الاكبر
انا شخصيتي ما بتشبه ابدا اول ست سنوات من زواجي
اتغيرت اشيا كتير واتعلمت اشيا واخطأت باشيا
مجرد ما نتقبل الشريك بسلبياته قبل ايجابياته بنكون قطعنا شوط كبير

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه