السلام عليكم ورحمة الله وبركاته ...

بقولكم الموضوع كامل وبالتفاصيل عشان تتضح الصوره لكم ..
واعذروني ان اطلت ..ف انا محتاجه ارائكم ونصائحكم .. بالشي الي عملتو والي راح اعمله ..

انا زوجي له شهرين يقولي بروح اوربا مع اصحابي وانا طبعا ارفض فكرة سفر الزوج للخارج << ممكن بعضكم بيعارض ومايشوف فيها شي لكن المسأله وجهات نظر ...

طبعا طول الشهرين الي راحو وانا ارفض لكن بأسلوب جيد وبكل ادب وبمزح وضحك وفرفشه .. ما ابغى ازعق واصارخ واسبب مشكله .. وضحت له رفضي وأنه لو سافر حروح بيت اهلي وماحرجعله طبعا كله بأدب وبنفس الوقت بدون زعل بضحك واحضان وكدا ..

الين جا وقت الجد وباقي ع الرحله 4 ايام وشفت الرجال متحمس وماهمه كلامي
هنا حسيت مافي وقت باقي 4 ايام واتنرفززت جدددا حسيت اني ماهميته يعني لو روحت لأهلي من جد ماهمه الموضوع المهم يسافر وينبسط وخلاص ..
كلمته بصوت مرتفع ووضحتله قراري وانا واثقه من كل كلمه قلتها .. قلتله صدقني لو روحت ماحرجعلللك الحياه شراكه انت شريكي وانا شريكتك الشي الي ماتحبو ما راح اسويه والي انا ما احبو انت لاتسويه انت شريكي ف الحياه وانا شريكتك مافي شي ب القوه بس لو انت مصررر انك تروح وانا ماهميتك والله العظيم مالي رجعه ولو رجعتلك الله يبلاني بمرض ما اتشافى منه ويفقدني اعز الناس عندي ...<< عارفه اني غلطت بالدعاء على نفسسسي ...
لكن المفاجءه انه برضووو ماهمه كلامي ولا هز فيه ولا شي .. وطبعا قلتله كمان .. اذا بتروح غصبن عني ف انا استاخل انسان افضل منك يقدرني ويحسسني بقيمتي عنده واكون شريكته بحياته مو جاريه والا عبده ..

المهم جا وقت السفر باقي كم ساعه ويروح المطار .. قمت انا اخذت جواله وقفلته وخبيته بمكان مايعرفه .. وجلس يدور عليه وقلب البيت ومالقاه وقام ضربني عشان اطلعوو .. وقلتلو ما راح اعطيك الجوال واذا تبغى تروح روح وانا مالي رجعه لك وخلي اصحابك ينفعوك تخرب بيتك عشانهم ..

واتجن جنونه المفروض يكلم اصحابه ويروح للمطار بس الجوال مالقاه .. طبعا اخذ جوالي وكلم اهلي<< هذا الكلام 4 الفجر ..
وبابا حاول يكلمني عشان اخليه يسافر يحاول يهدئ الوضع بيننا
لكن انا رفضت لاني حلفت بالله ودعيت على نفسي وخفت ربي يفقدني ولدي ..
احاول قد ما اقدر امنع زوجي من السفر عشان ما ابغى اخسره وابغى نكون مع بعض ..
لكن صلح شنطته وثار عليا وضربني وقالي انقلعي لأهلك و 60 تفله على وجهك واعملي الي تعمليه ..
ماحسيت ليا اييييي قيمه عندي

وفوق هذا رفع صوته على بابا وجالس يخاصمه ويسب فيها .. وبابا انسان طيب ماقدر يرد عليه خايف اني اتطلق ويخرب بيتي ..

المهم صلح شنطه ورمى جوالي عندي وقال كلمي ابوكي يجيكي وخرج وراح مع صاحبه .. انا ماقدرت اتحممل صرت بحاله مايعلم فيها غير ربي .. لحالي ب البيت ومافي احد يهديني .. وبديت احس بدوخه والدنيا فجأه تضلم بعيني وشوي ترجع .. اتصلت على بابا ياخدني عندهم و مايرد كانت الساعه 7 الصباح شكلو كان نايم ..
والله اول مرا تجيني حاله نفسيه زي كذا قمت مسكت السكين وقطعت كل ملابس زوجي ماخليتله ولا شي قطعت الكنب والستاير وكل شي ف البيت .. طلعت حرتس ف البيت حسيت حالي وي المجنونه وشوي يغمى هليا ..
حسيت ماعندي اي قيمه عنده ومستعد يبيعني عشان سفر ...

بعدها جاولت انام مو قادره اصيح بطريقه هستيريه الين نمت .. وولدي كان نايم ..
والساعه 2 ونص الظهر لميت اغراضي وماخليت شي ليا ف البيت وجا بابا واخدني ..


ونفسيتي كانت مرا ع الاخر .. قمت قرأت ايات السكينه ونمت عند اهلي والحمد لله حسيت براحه ...
والمفاجئه الي حصلت لما اذن المغرب زوجي رجع البيت .. طلعا من الصباح كان في المطار .. كان حجزه انتظار وما اتأكد حجزهم ... وانا كنت طول الليل ادعي ربي انه نايسافر وتتكنسل ..

وطبعا رجع البيت وشاف البيت كيف مقلووووب والدنيا مقطعه .. اتصل على ماما وقالها تعالي انتي وعمي البيت << يبغى يوريهم الي عملتوو
..

وانا حاليا ما اعرف ايش اعمل ... فكرت لما يجي زوجي يشوف ولدي اروح واعتذرله ع لى تخريبي للبيت فقططططط ... واقوله انا مو مسامحتك ع الي عملتو فيا روحت وتركتني ف البيت وانا بحاله مايعلم فيها غير بي وغصب تجيني الحاله ذي واحط حرتي ف البيت ماكان معايا اي احد .. وما راح اسامحك لأنك اخترت اصحابك والسفر عليا بعتني برخيص وهدا كلوو ماكان يحووج .. انت لو رايح لعمل او لشغل مهم كان قلت معاك حق تروح بالقوه بس انت رايح تتمشى وانا رافضه الحياه شراكه لو كان فيها خراب بيت المفروض تختارني عن اصحابك والسفر ...


والا ايش رايكم؟ تعبت من التفكيير ...
انا عبى كثر ماحبيته على كثر ماكرهته الان من الي سواه فيا حاسه بنفور منه .. مو حاسه بأمان .. ممكن يبيعني عشان اي شي ثاني تافه

مستجدات
الرد 45
http://www.66n.com/forums/showpost.p...8&postcount=45

مستجدات
الرد 57
http://www.66n.com/forums/showpost.p...9&postcount=57

__________________
لاتسعى لتصحيح ظن احد بك ££ خالقك ينظر لقلبك وهذا يكفيك