السلام عليكم ورحمة الله وبركاته

حبيت اليوم ابدأ بأول موضوع لي بهالقسم بالسلطة
وان شاءالله تكون بداية مواضيع لاطباق تانية

اول شي السلطة سهلة التحضير وانا بسميها فاتحة الشهية وكتير مفيدة وغنية بالفيتامينات
وباختيارنا بنقدر نلغي اي صنف ونضيف اي صنف بنحبه







بالنسبة للسملون فينا نستعمل نوع المدخن وفينا الني اللي بدو طبخ
انا استعملت الني
فقطعت 400غرام من السلمون الى مكعبات
واضفت عليه:
ملح-بهار اسود-زعفران-شومر او شمر-عصير حامض


ووضعتهم بالفرن وبس تم الطهو اضفت عليها قطعة صغيرة زبدة وهيي سخنة









اما بالنسبة للخضار استعملت:
1-جرجير
2-حامض للصوص فقط
3-شمندر
4-خس افرنجي احمر
5-هليون
6-نوع من البقوليات(حبوب الصويا)
7-كمكوات اي برتقال ياباني
8-ارضي شوكي
9-جوز وبزورات مشكلة
10-فاصوليا حمراء
وبالاخير حطيت بندورة كرزية مع السلمون عالسلطة









اما بالنسبة للصوص اختياري اي نوع بتحبوه
انا استعملت بالصوص
زيت-ملح -خردل-حامض-شومر-بهار اسود-توم بودرة-بصل بودرة
وانا اجمالا بحب خل البلسميك بالصوص بس ما كان عندي
وبحب طعمة الملح والحامض يكون حاد
فالكميات انتوا بتتحكموا فيها بالتذوق بتزيدوا او بتنقصوا
والتزيين بيرجع الكن
وان شاءالله يكون الشرح تم بطريقة واضحة
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه