السلام عليكم

بدخل في صلب الموضوع

طلب مواصفات معينة ، الوالدة خطبت لي وحدة عكس المواصفات ، بلغتها اني ما راح اشوف البنت لان المواصفات مو فيها ، بعد الشوفة لرضى والدتي فقط ، اعجبت في البنت و وافقوا علي اهلها و امي رفضت لانها مو من مواصفاتي و استغربت انها كانت موافقة سابقا ، ابلغتها بموافقتي و رفضت ، المشكلة البنت حسنة الخلق و الاهل في حالهم و كافيين خيرهم شرهم و ما عمري دخلت بيت تمت المعاملة بهالطريقة سبحان الله الامور كلها تيسرت و كنا بنخلص في يومين بس لكن امي رفضت بحجة ان امها قالت لها

اليوم اتصلت ام صديقة بنتي و قالت تبي بنتي لولدها

ففكرت انها طرده و غيره و تعرفون سوالف الحريم و بدت تطلع لي سلبيات البنت و والدينها و العايلة

بالنسبة لي صليت استخرة قبل ما اروح بيتهم و اشوفها و كل الامور مشت ١٠٠ عكس ما توقعته و عكس ما اعتدناه من اي ناس دخلنا بيوتهم قبل و الموافقة من قبلهم كانت بنفس يوم الشوفة البنت متبسمة و الاهل محترمين جدا و ارتحت جدا من اول دخولي البيت بالفعل كذا بيت رحت لكن هالمرة ما ادري كيف غير

المشكلة الاكبر بعد الرفض ظليتني ادعي ان ربي يكتبها من نصيبي و استمر في الدعاء الا ان كل مؤشرات الحياة و الامور و الاسباب تقول غير كذا ، انقطع التواصل بين الامهات كلياً و تم رفضي من قبلهم بعد ما عرفوا راي والدتي

الان في راسي وساوس كثيرة و امور ملخبطة الا و هي

اولا كنت شايف بنت عمي و هي اول وحدة اشوفها شوفة شرعية و كنت مفكر ما في اجمل منها لدرجة ان كل الي يمرون علي ما فيهم ولا ١٪ من شي عجبني
ثانيا بعد ما شفت اخر بنت الي اتكلم عنها الحين سبحان الله والي للحين مو مصدق عجبتني ١٠٠٪ للعلم ان ما فيها اي شي من مواصفاتي
ثالثا اصبت بالاحباط الكبير جدا جدا لاني بديت ارجع للفكرة السابقة ان ما في وحدة ثانية راح تمر علي و اكون مقتنع فيها ١٠٠٪ بدون اسباب معينة بدون مواصفات معينة بدون اسباب فقط كذا ارتياح نفسي لا سيما ان معاملة الاهل معاملة من طيب المعاملة الي تكلموا فيها اهلي في اول زيارة و قبل الشوفة ما كنت اصدقه لكن لما شفت بعيني صدقت و شفت الاكثر و الافضل منهم و الى الان ادعي ربي يكتبها من نصيبي مرت ٤ ايام تقريباً فيها كثير من احداث حياتي المبهرحة المحرنة لكن هي متعلقة براسي ما تروح مدري شلون التفكير متواصل باستمرار و ازعجني الامر و اتعبني جداً

للعلم اني مصلي لجميع الفروض في المسجد و لله الحمد و المنة

ارجوا مساعدتي ولا تبخلوا علي انا من النوع العجول جداً جداً لابعد الحدود
كذلك اتمنى من الجميع الدعاء لي في توفيقي معها بالحلال و كتبها من نصيبي

السلام عليكم

تم تعديل العنوان