كلامك الطيب لولدك له اثر ايجابي اكيد ان شاء الله .. لو هي ماتأثرت علي الاقل الولد يحس بالمشاعر الطيبة بين الابوين .. لان اكثر مايتعب الابناء .. شجار الوالدين ..

بصراحة اخي اشوف مشاكلكم ماتستاهل الطلاق وتفكيك اسرة .. يبيلها بس تفاهم .. انت ترخي شوي وهي ترخي .. تحاولون تتكيفون مع الوظيفة وبعدها عن المسكن .. مع الوقت تتعود .. لو تدري انا مكان عملي يبعد عن بيتي بالسيارة ساعة كاملة .. وانا اسوق .. يعني ساعة الصبح وساعة الظهر احس اني بتكسر .. لكن مع ذلك لا انوي ترك وظيفتي.. وزوجي تقبل رجوعي متأخرا مع انه يرجع قبلي .. لكن هذا باب رزق وماودنا نسده . . احتجنا الي تنسيق وتنظيم حياتنا من جديد وسارت امورنا رغم التعب والصعوبات وبعض التقصير .. لابد من التغاضي احيانا ..
وانت حاول تخغف من العصبية والحدة في الكلام .. وشيل الحظر عن الواتس ..