السلام عليكم
الاخ الفاضل ممكن هالاستشارة لانني الى الان ماسكة اعصابي
اني من النوع اللي مااحب افتش في جوال زوجي بالرغم من ان زوجي عكسي فهو دائما ياخذ جوالي ويفتش فيه امامي ومن خلفي... ويشوف الرسايل والمكالمات ووقت المكالمات ولو لاقى جوالي مشغول يجلس يتصل الى ان انهي مكالمتي ويسالني من اتصل فيك وايش يشتوا..

وعشان طبيعته وغيرته منذ مدة طويلة قررت الا اشترك في اي برامج التواصل وكمان حتى الواتس....
بالرغم من انه مشترك هو بالفيس والوي شات والواتس
قبل مدة لقيته مشترك بشات الرسايل وكانت رسايل سفيهه.. حذفتها وبكل ادب قلتله ليش مشترك بالشات قال والله كل رسايلي نصائح لشباب.. قلتله ابعد عن الشر وغنيله
وفي نفس الوقت لقيت بالوي شات مضافه وحدة مسمية نفسها الوردة البنفسجيه.. ماوجدت رسايل بس وجدت اتصال عبر الوي شات من زوجي.. كانه اتصل وغلق بسرعه... قمت حذفت معرفها... على اساس ان زوجي بيفهم وانتهى الموضوع
امس كان ساهر على الجوال ً..فقمت بالصبح اصحيه ماصحي فقلت في نفسي غريبه معقوله المحل مغلق وابوه مااتصل لانه اذا تاخر يتصل...
قمت اخذت الجوال مفكره انه صامت... فلم اجد مكالمات فائته استغربت وجدت رسايل فتحتها لاجد
لازال مشترك بهذا الشات
وماصدمني رسالة من جواله الى رقم جوال اخر والرسالة تقول
اذا انتي بكرة فاضية وتشتي فلوس اتصلي بي او اعملي رنه

صدمت وقلت كمان يراسل من رقمي... لان هو يستخدم شريحه باسمي وشريحتي اللي معاي باسمه
وضعت الجوال بمكانه وذهبت لاكوي له ملابسه.. انتهيت من الكي قمت اخذت الكيس فيه اغراضه لاتفاجاه ان بداخله شريحه اخرى
قمت اخدت جواله ورنيت ع جوالي بعد ان شغلته ع الصامت لاتفاجا ان الرقم اللي يستخدمه رقم اخر وان الشريحه اللي باسمي مايراسل منها
الصباح بالعمل كنت ادق ع جواله عامل مغلق.. يعني انه عامل الشريحه الجديدة شكله منتظر الاتصال او الرنة

ابغى اتصرف صح واعرف الحقيقة ً ....لااريد ان اواجهه الا بعد ان اتوثق من كل شئ واكون متاكده